مسته‌فا كازمی، سه‌رۆكوه‌زیرانی عێراق، له چوارچێوه‌ی سه‌ردانه‌كه‌یدا بۆ به‌رلین له‌گه‌ڵ ئه‌نگێلا مێركڵ ،راوێژكاری ئه‌ڵمانیا كۆبووه.
به‌پێی راگه‌یه‌ندراوێكی نووسینگه‌ی سه‌رۆكوه‌زیرانی عێراق له كۆبوونه‌وه‌كه‌دا، چۆنیه‌تی پته‌وتركردنی په‌یوه‌ندییه دووقۆڵییه‌كان و هاوكارییه هاوبه‌شه‌كانی نێوان عێراق و ئه‌ڵمانیا له سه‌رجه‌م بواره‌كاندا تاوتوێكراوه.
له راگه‌یه‌ندراوه‌كه‌دا باس له‌وه‌كراوه كه دۆسیه‌ی هاوبه‌شی ئه‌ڵمانیا و عێراق له بواری به‌ره‌نگاربوونه‌وه‌ی تیرۆر له چوارچێوه‌ی هاوپه‌یمانیی نێوده‌وڵه‌تی دژبه داعش له‌گه‌ڵ دۆسیه‌ی یارمه‌تییه‌كانی ئه‌ڵمانیا له دووباره ئاوه‌دانه‌كردنه‌وه‌ی ناوچه كۆنترۆڵكراوه‌كان و هاوكارییه‌كانی ئه‌ڵمانیا بۆ عێراق له بواری په‌ره‌پێدانی كه‌رتی كاره‌با و رۆڵی كۆمپانیاكانی ئه‌ڵمانیا له‌و كه‌رته و كه‌رته‌كانی دیكه خراونه‌ته به‌رباس.
رۆژی دووشه‌ممه‌ی رابردوو، سه‌رۆكوه‌زیرانی عێراق، مسته‌فا كازمی له چوارچێوه‌ی گه‌شتێكدا بۆ ژماره‌یه‌ك وڵاتی ئه‌ورووپا، گه‌یشتبووه فه‌ڕه‌نسا و ئه‌مڕۆیش گه‌یشته ئه‌ڵمانیا و دواتر سه‌ردانی به‌ریتانیا ده‌كات.
کۆمێنت (0)
تا ئێستا هیچ کۆمێنتێک نەکراوە.