مسته‌فا كازمی، سه‌رۆكوه‌زیرانی عێراق، به مه‌به‌ستی ئه‌نجامدانی زنجیره‌یه‌ك دیدار و كۆبوونه‌وه، به سه‌ردانێكی فه‌رمی گه‌یشته له‌نده‌ن پایته‌ختی به‌ریتانیا.
سه‌رۆكوه‌زیرانی عێراق له سێیه‌م ویستگه‌ی گه‌شته‌كه‌یدا بۆ ئه‌ورووپا و دوای سه‌ردانی بۆ هه‌ریه‌ك له فه‌ڕه‌نسا و ئه‌ڵمانیا، ئێواره‌ی دوێنێ سێشه‌ممه گه‌یشتۆته له‌نده‌ن.
رۆژی یه‌كشه‌ممه‌ی رابردوو، مسته‌فا كازمی به‌سه‌رۆكایه‌تی شاندێكی باڵای حكوومی به‌غدای پایته‌ختی جێهێشت و به‌ره‌و پاریس پایته‌ختی فه‌ڕه‌نسا به‌رێكه‌وت ئه‌وه‌یش له چوارچێوه‌ی گه‌شتێكدا بۆ هه‌ریه‌ك له فه‌ڕه‌نسا و ئه‌ڵمانیا و به‌ریتانیا.
به‌پێی راگه‌یه‌ندراوێكی نووسینگه‌ی سه‌رۆكوه‌زیرانی عێراق، شاندێكی حكوومه‌تی عێراق كه ژماره‌یه‌ك وه‌زیر و سه‌رۆكی ده‌سته‌كانی سه‌ربه‌خۆ له‌خۆده‌گرێت یاوه‌ری سه‌رۆكوه‌زیرانی عێراق، مسته‌فا كازمی ده‌كه‌ن له سه‌ردانه‌كه‌ی بۆ فه‌ڕه‌نسا، ئه‌ڵمانیا و به‌ریتانیا.
کۆمێنت (0)
تا ئێستا هیچ کۆمێنتێک نەکراوە.