له هه‌فته‌ی ئایینده‌وه گه‌شته ئاسمانییه‌كانی فڕۆكه‌خانه‌ی نێوده‌وڵه‌تی سلێمانی بۆ وڵاتی توركیا ده‌ستپێده‌كاته‌وه و هه‌فتانه دوو گه‌شت ئه‌نجام ده‌درێن.
تاهیر عەبدوڵڵا بەڕێوەبەری فڕۆكەخانەی نێودەوڵەتی سلێمانی لە لێدوانێكی رۆژنامەوانیدا ئاشكرایكرد، گەشتە ئاسمانییەكانی فڕۆكه‌خانه‌ی سلێمانی لەگەڵ توركیا لە رۆژی بیست و شه‌شی ئەم مانگەوە دەستپێدەكاتەوە و هەمان ڕۆژی یەكەمین گەشتی ئاسمانی لە سلێمانییەوە بۆ توركیا ئەنجام دەدرێت.
ئاماژه‌ی به‌وه‌شكرد هه‌فتانه له فرۆكه‌خانه‌ی سلێمانییه‌وه دوو گەشتی ئاسمانیی هاتن و چوون لەنێوان سلێمانی و توركیا ئەنجام دەدرێت.
هەروەها گوتیشی: بەپێی ئەو ئیمەیڵەی لەلایەن هێڵی ئاسمانیی توركش ئێرلاینەوە بۆ فرۆكەخانەی سلێمانی نێردراوە، دووپاتیكردۆته‌وه هه‌فتانه دوو گه‌شت ئه‌نجام ده‌ده‌ن، بەڵام دواتر بەپێی خواست، گەشتەكان زیاتر دەبن.
کۆمێنت (0)
تا ئێستا هیچ کۆمێنتێک نەکراوە.