سەرچاوەیەک لە هێزە ئەمنییەکانی عێراق رایگەیاند: نارنجۆکێک لەناو خۆپیشاندەرانەوە فەوجێکی پۆلیسی فریاکەوتنی بەغدای کردوەتە ئامانج و بەو هۆیەوە 37 خۆپیشاندەر و 14 ئەندامی هێزە ئەمنییەکان برینداربوون.
ئەو سەرچاوەیە بە ماڵپەڕی حوڕەی ئەمریکی راگەیاندووە، ئێوارەی ئەمڕۆ نارنجۆکێک کە دروستکراوی ناوخۆیی بووە لەناو خۆپیشاندەرانەوە ئاڕاستەی هێز ئەمنییەکان کرا، بەو هۆیەوە 37 خۆپیشاندەر و 14 ئەندامی هێزە ئەمنییەکان برینداربوون.
لای خۆیەوە کۆمسیۆنی مافەکانی مرۆڤی عێراق رایگەیاند: داوا لە هێزە ئەمنییەکان و خۆپیشاندەران دەکەن پارێزگاری لە ئاشتی گردبونەوەکان و رێگری لە توندوتیژی لەناو خۆپیشاندەرانەوە بکەن.
لە شەوی رابردوەوە سەدان خۆپیشاندەر و گەنجی بەشداربووی خۆپیشاندانەکانی ساڵی رابردوو گەڕاونەتەوە گۆڕەپانەکانی خۆپیشاندان و ناڕازین لە ئەنجام و دەستکەوتی "شۆڕشەکەیان" ، کە بووەتە هۆی کوژرانی 600 کەس و برینداربوونی هەزاران کەسی دیکە.
کۆمێنت (0)
تا ئێستا هیچ کۆمێنتێک نەکراوە.