دهۆک .... 14 سه‌رۆک باژێرڤانی هاتنه‌ گوهۆرین

ئه‌ڤرۆ رۆژا دووشه‌مبی، رێكه‌فتی ٢٠٢٠/١٠/٢٦  "د. عه‌لی ته‌ته‌ر "، پارێزگارێ دهۆكێ ب به‌رهه‌ڤبوونا (ئه‌ندازیار دیار به‌حری) رێڤه‌به‌رێ گشتی یێ باژێرڤانیان ل پارێزگه‌ها دهۆكێ كۆمبوو ل كۆچكا پاێزگه‌هێ‌ كۆمبوو.
د كۆمبوونێ دا، پارێزگارێ دهۆكێ پیرۆزباهی ل هه‌ر 14 سه‌رۆكێن نوو یێن باژێرڤانیان ل پارێزگه‌ها دهۆكێ كر، داخوازا سه‌ركه‌فتنێ بۆ كر و راگه‌هاند، خۆشحالین ئه‌ڤرۆ 14 گه‌نج و لاو بوونه‌ رێڤه‌به‌رێن باژێرڤانیا ل سنۆرێ پارێزگه‌ها دهۆكێ و هیڤیدارین ب راستی و درۆستی كارێ خۆ بكه‌ن و پشته‌ڤانێ هه‌وه‌ مه‌ ل سه‌ر جێبه‌جێكرنا یاسایێ و رێنماییان و خزمه‌تكرنا وه‌لاتیان بێی جوداهی.
ئه‌ندازیار دیار به‌حری، رێڤه‌به‌رێ گشتی یێ باژێرڤانیێن پارێزگه‌ها دهۆكێ دیار كر كو پێدڤیه‌ هه‌موو سه‌رۆك باژێرڤانی ل گۆره‌ی قانوونێ‌ كارێ‌ خوه‌ ئه‌نجام بده‌ن و بریاره‌ هه‌ر 14 سه‌رۆك باژێرڤانی د ڤێ‌ حه‌فتیێ‌ دا ده‌ستبكاببن و ئه‌ڤه‌ ژی قۆناغا ئێكێ‌ یا گوهۆرینێ‌ بوویه‌ و ل به‌ره‌ ل ده‌مه‌كێ‌ نێزیك هژماره‌كا دی یا سه‌رۆكێن باژێرڤانیان بهێنه‌ گوهۆرین و یێن نوو ده‌ستبكاربن.
ژ ئالێ‌ خۆڤه‌ رێڤه‌به‌رێن نۆی یێن باژێرڤانیان، سۆپاسیا جه‌نابێ پارێزگارێ دهۆكێ كر و دا دیاركرن ب هه‌می شیانێن خۆڤه‌ دێ ئه‌رك و كارێن خۆ ئه‌نجام ده‌ن و د خزمه‌تكرنا وه‌لاتیان دا بن.