له‌ سعوودیه‌ که‌سێک هێرشی کرده‌ سه‌ر پاسه‌وانێکی کونسولخانه‌ی فه‌ره‌نسا

پۆلیسی سعوودیه‌ ئه‌مڕۆ پێنج شه‌ممه‌ بڵاویكرده‌وه‌ كه‌ هێرشێك كراوه‌ته‌ سه‌ر كونسولخانه‌ی فه‌ره‌نسا له‌ شاری جدده‌.

له‌مباره‌یه‌وه‌ رائید محه‌مه‌د غامدی، وته‌بێژی راگه‌یاندنی پۆلیسی ناوچه‌ی مه‌ككه‌ گوتی: هێزێكی تایبه‌ت به‌ ئاسایشی نێرده‌ دیبلوماسییه‌كان توانیویانه‌ ئه‌و هاووڵاتییه‌ ده‌ستگیر بكه‌ن كه‌ به‌چه‌قۆ هێرشی كردۆته‌ سه‌ر پاسه‌وانێكی كونسولخانه‌ی فه‌ره‌نسا له‌ جدده‌و به‌ سووكی برینداربووه‌.

هه‌روه‌ها ئه‌و ئه‌فسه‌ره‌ گوتیشی: پاسه‌وانه‌كه‌ به‌مه‌به‌ستی چاره‌سه‌ری ره‌وانه‌ی نه‌خۆشخانه‌ كراوه‌و هێرشكاره‌كه‌ش ده‌ستگیركراوه‌و رێوشوێنی یاسایی له‌به‌رامبه‌ریدا ده‌گيرێته‌ به‌ر.

وه‌رگێڕان و داڕشتنه‌وه‌ی / رزگار