ڕوونکردنه‌وه‌یه‌ک له‌باره‌ی که‌وتنه‌کاری کامێرا جێگیره‌کانی نێو شاری سلێمانی بڵاو کرایه‌وه‌

 به‌رێوه‌به‌رایه‌تى هاتووچۆی سلێمانی روونكردنه‌وه‌یه‌كی له‌باره‌ی كه‌وتنه‌ كاری كامێرا جێگیره‌كانی ناو شاری سلێمانی بڵاو كرده‌وه‌

له‌روونكردنه‌وه‌كه‌ی هاتووچۆی سلێمانی دا هاتووه‌ ماوه‌ی چه‌ند ڕۆژێكه‌ شوێن و واده‌ی كه‌وتنه‌ كاری كامێرا جێگیره‌كانی تۆماركردنی سه‌رپێچی تیژڕه‌ویی له‌تۆڕه‌ كۆمه‌ڵایه‌تییه‌كان بڵاوده‌كرێته‌وه‌، هاتووچۆی سلێمانی له‌گه‌ڵ ئه‌وه‌ی داوا له‌شۆفێران ده‌كات پابه‌ندی ئه‌و خێراییه‌ بن كه‌ له‌ شه‌قامه‌كان و ڕێگه‌وبانه‌كان دیاریكراوه‌

 له‌به‌شێكی دیكه‌ى روونكرنه‌وه‌كه‌دا هاتووه‌: هاوكات ڕایده‌گه‌یه‌نین هیچ واده‌یه‌كی دیاریكراو بۆ كه‌وتنه‌كاری كامێراكان له‌ئارادا نییه‌، هه‌ركاتێك به‌فه‌رمی بڕیاری كه‌وتنه‌كاری كامێراكان بدرێت، به‌چه‌ند ڕۆژێك پێشوه‌خت له‌ڕێگه‌ی ڕاگه‌یه‌ندراوی فه‌رمییه‌وه‌ له‌ وێب سایتی فه‌رمی هاتووچۆی سلێمانی و ڕادیۆی (ترافیك ئێف ئێم)ه‌وه‌ بڵاویده‌كه‌ینه‌وه

دارشتنه‌وه‌ى هه‌واڵ - شوان عه‌زیز