ئایا پێویست ده‌کات ئۆتۆمبێل له‌به‌نزینخانه‌ بکوژێنینه‌وه‌؟

كاتێك ده‌چینه‌ به‌نزینخانه‌ بۆ تێكردنی به‌نزین، له‌خۆمان ده‌پرسین به‌ڕاست ... پێویست ده‌كات، ئۆتۆمبێله‌كه‌ بكوژێنینه‌وه‌ یان نا؟.

هۆكاری سه‌ره‌كی گڕگرتن‌و كاره‌ساته‌كان له‌به‌نزینخانه‌كاندا ده‌گه‌ڕێته‌وه‌، بۆ لێچوونی سوته‌مه‌نی یاخود هه‌ڵمی سوته‌مه‌نی كه‌ كێشی له‌هه‌وا قورستره‌‌و ده‌نیشێته‌ سه‌ر زه‌وی‌و مه‌ترسی ئاگركه‌وتنه‌وه‌ زیاد ده‌كات، له‌و حاڵه‌ته‌شدا كه‌مترین چه‌خماخه‌ی كاره‌با یاخود دینامۆ یان هه‌ر هۆكارێكی تر، به‌هۆی كاركردنی ئۆتۆمبێله‌كه‌ له‌كاتی تێكردنی به‌نزیندا، ده‌بێته‌ هۆی گڕگرتنی هه‌ڵمی به‌نزینه‌كه‌‌و كاره‌سات به‌دوای خۆیدا ده‌هێنێت.

بۆیه‌ كاتێك شۆفێر له‌به‌نزینخانه‌ ده‌وه‌ستێت بۆ پڕكردنی سوته‌مه‌نی‌و ئۆتۆمبێله‌كه‌ی ده‌كوژێنێته‌وه‌، ڕێگریی ده‌كات له‌و جۆره‌ ڕووداوانه‌‌و پارێزگاری له‌سه‌لامه‌تی خۆی و ئه‌وانی دیكه‌ش ده‌كات.

ژێده‌ر- هاتووچۆی سلێمانیؤ