سه‌رۆكایه‌تی به‌ڕێوه‌بردنی كاره‌سات و باری له‌ناكاو (AFAD) له راگه‌یه‌ندراوێكدا له باره‌ی نوێترین ژماره‌ی قوربانییانی بوومه‌له‌رزه‌كه‌ی ئیزمیر ئه‌وه‌ی ئاشكرا كرد تا ئێستا، ٤٩ كه‌س گیانیان له‌ده‌ستداوه.
سه‌رۆكایه‌تی به‌ڕێوه‌بردنی كاره‌سات و باری له‌ناكاو ئه‌وه‌شی خستووه‌ته‌ڕوو كه له دوای بوومه‌له‌رزه‌كه‌وه تا كاتژمێر ٠٥:٣٠ی به‌یانی ئه‌مڕۆ، ٧٨٦ پاشله‌رزه روویانداوه كه ٤٠ یان له سه‌روو چوار پله‌وه بوون.
به‌گوێره‌ی ئه‌و زانیارییانه‌ی ناوه‌ندی هه‌ماهه‌نگی ته‌ندروستیی سه‌رۆكایه‌تی به‌ڕێوه‌بردنی كاره‌سات و باری له‌ناكاو (AFAD) خستوونیه‌تییه روو، تا ئێستا ژماره‌ی ئه‌و كه‌سانه‌ی له بوومه‌له‌رزه‌كه‌دا گیانیان له‌ده‌ستداوه گه‌یشتووه‌ته، ٤٩ كه‌س و ٨٩٦ی دیكه‌ش برینداربوون كه چاره‌سه‌ری ٢١٤یان تا ئێستا به‌رده‌وامه.
کۆمێنت (0)
تا ئێستا هیچ کۆمێنتێک نەکراوە.