خوێندن لەناو پۆلەکان بۆ هەموو قۆناغەکان ڕاگیرا

 سه‌رچاوه‌یه‌ك له‌كۆبوونه‌وه‌ی لیژنەی باڵای رووبەڕووبوونەی کۆرۆنا له‌هه‌رێمی كوردستان به‌ماڵپه‌ری كوردستان تیڤى راگه‌یاند پرۆسه‌ی خوێندن له‌ناو پۆله‌كان له‌ناوه‌نده‌كانی خوێندن بۆ هه‌موو قۆناغه‌كان به‌هۆی تووشبوونی ژماره‌یه‌كی زۆر له‌قوتابیان و مامۆستایان ڕاگیرا

 وتیشی تا 1 ى 12 ى 2020 پرۆسه‌ی   خوێندنی ناو پۆل بۆ قۆناغەکانی یەک   و   دووی بنەڕەتی و  هه‌روه‌ها 12ـی ئامادەیی  راگیرا 

هه‌روه‌ها سه‌رچاوه‌كه‌ وتیشی   هیچ کاتێکیش دیاری نه‌كراوه‌  بۆ دەستپێکردنەوەی  پرۆسه‌ی خوێندن  ،  ‌ چاوەڕێی باشبوونی دۆخەکە دەکه‌ین ئه‌و كاته‌ بریاری دیكه‌ ده‌درێت له‌باره‌ی گه‌رانه‌وه‌ی قوتابیان بۆ ناوه‌نده‌كانی خوێندن 

هه‌روه‌ها راشیگه‌یاند كه‌بریاری راگرتنی خوێندن  پەیمانگە و زانكۆ حكومی و ناحكوومییه‌كانیش دەگرێتەوە.

له‌لایه‌كی دیكه‌وه‌ وته‌بێژى وه‌زاره‌تى ته‌ندروستى هه‌رێمی كوردستان رایگه‌یاندووه‌ كه‌ پرۆسەی خوێندن لە ناو پۆلەكان بۆ ماوەی یەك مانگ رادەگیرێت و لە ١-١٢ هەڵسەنگاندن دەكرێت لە بارەی راگیران یان بەردەوام بوون .

ده‌شڵێت ئەم بڕیارەش بۆ پاراستنی مامۆستا و قوتابیان و كەسوكاریانە لە ڤایرۆسی كۆرونا

شوان عه‌زیز