ڤیدیۆ ..... ریال مه‌درید سه‌رکه‌وتنی به‌سه‌ر ئینته‌رمیلان تۆمارکرد

له‌میانی به‌رێوه‌چوونى یارییه‌كانی جه‌وله‌ی سێیه‌م له‌خولی یانه‌ پاله‌وانه‌كانی ئه‌وروپا ،  یانه‌ى ریال مه‌درید به‌سێ گۆل به‌رامبه‌ر به‌دوو گۆل سه‌ركه‌وتنی به‌سه‌ر ئینته‌رمیلان تۆماركرد 

له‌كۆمه‌ڵه‌ی دووه‌می خوله‌كه‌دا شه‌وی رابردوو ریال مه‌درید میوانداری ئینته‌رمیلانی كرد و توانی سه‌ركه‌وتن به‌ده‌ست بهێنێت  

گۆله‌كانی ریال مه‌درید له‌و یارییه‌دا له‌رێگای یاریزانان  بنزیمە و رامۆس و رۆدریگۆ له‌خوله‌كه‌كانی  25 ، 33 ، 80 تۆماركران

دووگۆله‌كه‌ی ئینته‌رمیلانیش هه‌ردوو یاریزانان لاوتارۆ مارتینێز و پیریسیچ تۆماریان کرد

بەم ئه‌نجامه‌ش  بروسیا منشنگلادباخ بە 5 خاڵ لە پێشەنگی کۆمەڵەکەیدایە و ڕیال مەدریدیش بە چوار خاڵ له‌پله‌ی دووه‌مدایه‌ به‌جیاوازی گۆل له‌پێش  شاختاری ئۆكرانیه‌ كه‌له‌پله‌ی سێیه‌مدایه‌ ، ئینته‌رمیلانیش به‌ 2 خاڵ له‌پله‌ى چواره‌مدایه‌