لە كاردانەوەی ڕووداوەكەی ئەمڕۆ چوارشەممە له ناحیەی چەمانكێ، هێزی پێشمەرگەی كوردستان لە لایەن پەكەكەوە كرایە ئامانج و پێشمەرگەیەك شەهید بوو و سێ پێشمەرگە برینداربوو، له‌م باره‌یه‌وه عەلی تەتەر پارێزگاری دهۆک، لە هەژماری تایبه‌تی خۆی لە تۆڕی کۆمەڵایەتی (فەیسبووک) وێنه‌ی ئه‌و پێشمه‌رگه‌ی بڵاوكرده‌وه كه ئه‌مرۆ له‌لایه‌ن چه‌كدارانی په‌كه‌كه، كرایه ئامانج.
هێرشا چەکدارێن پ. ک. ک. بۆ سەر هێزێن پیروزێن پێشمەرگەی و شەهیدکرنا پێشمەرگەیەکێ و بریندارکرنا سێیێن دیتر، ب توندی پرۆتەستۆ و شەرمزار دکەین. ئەڤ کارێن چەکدارێن دەرڤەی یاسایێ ل هەرێما کوردستانێ ل ژێر هەر ناڤ و ئامانجەکێ بن، کارەکێ زوردارانە و داگیرکرنا ئاخ و گوندێن خەلکەکێ هەژار و تێکوشەرە، کو بۆ ئازادیا گوند و وارێن خۆ هەزاران شەهید داینە، لێ ب مخابنیڤە، ژ ئەگەرێ ڤێ سیاسەتا ستەمکارانەیا پ. ک. ک. ماوێ 30 سالانە نەشیاینە ب ئاخ و گوند و وارێن خۆ دلخوش ببن.
مانا بنکە و بارەگایێن پ. ک. ک. ل هەرێما کوردستانێ بتنێ کێشە و دەردەسەریە بۆ گەلێ کوردستانێ و ئاستەنگا سەرەکیە بۆ ئاڤەدانکرنا کوردستانێ و دابینکرنا تەنایی و خزمەتگوزاریان.
کۆمێنت (0)
تا ئێستا هیچ کۆمێنتێک نەکراوە.