له‌رۆژئاوای به‌غدا داعش هێرشی کرده‌وه‌ سه‌ر حه‌شدی شه‌عبی و 11 کوژراوی لێکه‌وته‌وه‌

 هێرشێکی چەکدارانی داعش لە رۆژئاوای بەغدا كوژرانی یازده‌ كه‌سی لێكه‌وته‌وه‌ 

 ئاژانسی فرانس پرێس بڵاوی كرده‌وه‌ به‌ره‌به‌یانی ئه‌مرۆ دووشه‌ممه‌ 9 ى 11 ى 2020 ،   چەکدارانی داعش  له‌رۆژئاوای به‌غدا هێرشیان کردووەتەوە سەر هێزه‌كانی  حەشدی شەعبی بەهۆیەوە پێنج ئەندامی حەشد و شەش هاووڵاتی مەدەنی کوژراون.

 ئاژانسی فرانس پرێس راشیگه‌یاندووه‌ كه‌ هه‌ر له‌و هێرشه‌ی چه‌كدارانی داعش بۆ سه‌ر حه‌شد له‌ناوچه‌كه‌دا 8 كه‌سی دیكه‌ برینداربوون و بۆ چاره‌سه‌ر گه‌یه‌نراونه‌ته‌ نه‌خۆشخانه‌كانی به‌غدا

 له‌سه‌ر ئه‌و هێرشه‌ی چه‌كدارانی داعش بۆ سه‌ر حه‌شد و هاوڵاتیان تا ئێستا حکوومەتی عێراق لەم بارەیەوە روونکردنەوەی نەداوە.