سەرۆکایەتی بەڕێوەبردنی کارەسات و باری لەناکاوی تورکیا (ئافاد) ئاشكرایكرد، ژمارەى گیانلەدەستدان بەهۆی بوومەلەرزەكەى ئیزمیر بۆ ١١٥ كەس بەرزبووەتەوە.
بە گوێرەى ئەو راگەیەندراوەى كە لە ئافاد بڵاوكراوەتەوە، لە پاش بوومەلەرزەكەى ٣٠ى تشرینى یەكەمەوە دوو هەزار و ٨٤٦ پاشلەرزە روویانداوە كە هێزى ٤٦یان لە سەرووى ٤ پلەی ریختەرەوە بووە.
بە پێى ئەو زانیارییانەى كە لە ناوەندى هەماهەنگیى تەندروستیى كارەسات (SAKOM)وە وەرگیراوە، ١١٥ كەس لە بوومەلەرزەكەدا گیانیان لەدەستداوە و هەزار و ٣٤ كەس برینداربوون، هەزار و ١١ كەسیان لە دواى وەرگرتنى چارەسەری پێویست رەوانەى ماڵەوە كراون و چارەسەرى پزیشكى ٢٣ کەسەکەی دیکەش بەردەوامە.
کۆمێنت (0)
تا ئێستا هیچ کۆمێنتێک نەکراوە.