قادری حاجی عه‌لی به‌ڤایرۆسی کۆرۆنا کۆچی دوایی کرد

میدیای بزووتنه‌وه‌ى گۆران رایگه‌یاند  قادری حاجی عه‌لی  كۆچی دوایی كرد 

میدیای بزووتنه‌وه‌ى گۆران رایده‌گه‌ێنێت كه‌  قادری حاجی عه‌لی دوای ململانێیه‌كی سه‌خت له‌گه‌ڵ نه‌خۆشی كۆرۆنا  به‌یانی ئه‌مرۆ سێشه‌ممه‌ 10 ى 11 ى 2020  به‌م په‌تایه‌ گیانی له‌ده‌ستدا 

قادری حاجی عەلی یەکێک بوو لە دامەزرێنەرانی بزووتنەوەی گۆڕان بەڵام ماوه‌یه‌كه‌  وازی لە بزووتنەوەکە هێناوە و  پێشووتر لەگەڵ چەند سەرکردەیەکی دیکەی  گۆڕان  رایانگه‌یاندبوو لە ئەدای بزووتنەوەکەیان نیگەرانن.

قادری حاجی لە تەمەنی 65 ساڵیدا بەم نه‌خۆشیه‌ گیانی له‌ده‌ستدا ، قادری حاجی عه‌لی لەدایکبووی شاری سلێمانی و لە خێزانێکی تێکۆشەری ئەو شارەیە، برای هونەرمەندی ناسراو حەمەجەزایەو  خاوەنی چوار منداڵە.هەڵگری بڕوانامەی بەكالۆریۆسە لە جیولۆجی دا.

دارشتنه‌وه‌ى هه‌واڵ - شوان عه‌زیز