وه‌زاره‌تی ته‌ندروستی هه‌رێم رایگه‌یاند: د. یوسف مەرزانی پزیشکی پسپۆڕی قوڕگ و لووت و گوێ له شاری هه‌ولێر دوای تووشبوونی به ڤایرۆسی كۆرۆنا، گیانی له‌ده‌ستدا.
له‌م باره‌یه‌وه دكتۆر سامان به‌رزنجی وه‌زیری ته‌ندروستی حكوومه‌تی هه‌رێمی كوردستان رایگه‌یاند: بە خەمو پەژارەیەکی زۆرەوە بەناوی خۆمان و وەزارەتی تەندروستی پرسە و سەرەخۆشی ئاڕاستەی بنەماڵەی خوالێخۆشبوو (د. یوسف مەرزانی) پزیشکی پسپۆڕی قوڕگ و لووت و گوێ لە نەخۆشخانەی هەولێری فێرکاری لەشاری هەولێر دەکەین، کە بەداخەوە بە نەخۆشی ڤایرۆسی کۆڕۆنای نوێ COVID19 كۆچی دوایی کرد.
خوالێخۆشبوو خزمەتی زۆری بواری پسپۆڕی هەبوو لە چارەسەرکردنی نەخۆش و ئەنجامدانی نەشتەرگەری و خزمەتگوزاری بۆ هاوڵاتیان.
داواكارین لە خوای گەورە خوالێخۆشبوو بە بەهەشتی بەرین شاد بكات و سەبووری بە خانەوادە و كەسوكار و دۆستانی ببەخشێت.
انا لله وانا الیه راجعون
کۆمێنت (0)
تا ئێستا هیچ کۆمێنتێک نەکراوە.