وه‌زیری نوێی به‌رگری ئه‌مریکا بۆ سه‌ربازه‌کانی: ئێستا کاتی گه‌ڕانه‌وه‌یه‌ بۆ نیشتمان

وه‌زیری نوێی به‌رگری ئه‌مریكا ده‌ڵێت: ئێستا كاتی گه‌ڕانه‌وه‌یه‌ بۆ نیشتمان و ده‌بێ سه‌رجه‌م جه‌نگه‌كان كۆتایی بێت.

كریستۆفه‌ر میله‌ر،وه‌زیری نوێی به‌رگری ئه‌مریكا به‌وه‌كاله‌ت له‌ هه‌وڵدایه‌ هێزه‌كانی ئه‌مریكا له‌ ئه‌فغانستان و رۆژهه‌ڵاتی ناوه‌ڕاست بكێشێته‌وه‌و گوتی: ئێستا كاتی گه‌ڕانه‌وه‌یه‌ بۆ نیشتمان.

هه‌روه‌ها وه‌زیری نوێی به‌رگری ئه‌مریكا گوتی: ده‌بێ سه‌رجه‌م جه‌نگه‌كان كۆتایی بێت،ئه‌مه‌ش یه‌كه‌مین په‌یامی كریستۆفه‌ر میله‌ره‌ بۆ هێزه‌ چه‌كداره‌كانی ئه‌مریكا،دوای ئه‌وه‌ی رۆژی دووشه‌ممه‌ی رابردوو دۆناڵد تره‌مپ،سه‌رۆكی ئه‌مریكا، كریستۆفه‌ر میله‌ر-ی، وه‌ك وه‌زیری نوێی به‌رگری ئه‌مریكا به‌وه‌كاله‌ت دامه‌زراند.

وه‌رگێڕان و داڕشتنه‌وه‌ی / رزگار

ژێده‌ر/ سكای نیوز