ئه‌مه‌ریکا سزای نوێى به‌سه‌ر ئێراندا سه‌پاند و ژمارەیەک کەسایەتی ده‌کاته‌ ئامانج

وه‌زاره‌تی گه‌نجینه‌ی ئه‌مه‌ریكا سزای نوێی به‌سه‌ر ئێراندا سه‌پاندووه‌، كه‌ ده‌یان كه‌سایه‌تی و قه‌واره‌ی سه‌ر به‌و وڵاته‌ی كردووه‌ته‌ ئامانج.

له‌ به‌یاننامه‌یه‌كدا وه‌زاره‌تی گه‌نجینه‌ی ئه‌مه‌ریكادا هاتووه‌، کە ژمارەیەک سزای نوێیان بەسەر دەیان کەسایەتی و لایەنی نزیک لە ئێراندا سەپاندوە.

له‌ لیستی سزادراوانی ئه‌مجاره‌دا‌ ناوی دامه‌زراوه‌ی بونیادی موسته‌زعه‌فینی شۆڕشی ئیسلامی كه‌ له‌لایه‌ن عه‌لی خامنه‌یی، رێبه‌ری كۆماری ئیسلامی ئێرانه‌وه‌ به‌ڕێوه‌ ده‌برێت و هه‌وه‌رها مه‌حمود عه‌له‌وی، وه‌زیری ئیتلاعاتی ئێران هه‌ن.

وەزارەتی خەزێنەی ئەمریکا لە بەیاننامەیەکدا ڕایگەیاند: سزاکان دامەزراوەی هەژارەکانی شۆڕشی ئیسلامی دەگرێتەوە کە لە لایەن عەلی خامنەئی ڕابەری باڵای ئیسلامی ئێرانەوە بەڕێوە دەبرێت.

لەوبارەیەوە مایک پۆمپیۆ، وەزیری دەرەوەی ئەمەریکا رایگەیاند: فشارەکانی ئەمەریکا بۆ سەر ئێران سەرکەوتو بووە و واشنتۆن دەستبەرداری سزاکانی سەر تاران نابێت.

پۆمپیۆ گوتیشی: پێویستە لەسەر ویلایەتە یەکگرتووەکانی ئەمریکا نەبێتە قوربانی قسە و باسی دۆسیەی ئەتۆمی ئێران و وام لێ بکات دەستبەرداری سزاکانمان بین.

وەزیری دەرەوەی ئەمریکا جەختیشیکردەوە، ئەمریکا لە چەند هەفتە و مانگی داهاتوودا سزای زیاتر دەسەپێنێت بەسەر ئێراندا.