شاعیر و نووسەری دیاری کوردستان حاجی قادر قادری کۆچی دوایی کرد

شاعیر، نووسەر و وەرگێڕی خەڵکی مەهاباد دوێنێ دووشەممە 23-11-2020دوای ماوەیەک ململانێ لەگەڵ نەخۆشی کۆچی دوایی کرد.

 شاعیر نووسەر و وەرگێڕ، حاجی قادر قادری ناسراو به (هیوا)،دوێنێ دووشەممە 23-11-2020   لە تەمەنی 88ی ساڵیدا بە هۆی نەخۆشی سیەکان لە شاری مەهاباد کۆچی دوایی کرد.

حاجی قادر قادری، لە دایکبووی ساڵی 1932ی لە ئاوایی شێخاڵی، بەر لە شۆڕشی گەلان نازناوی "ئاڵۆز" بووە، لە منداڵییەوە خولیای شیعر بووە، بەشێک لە بەرهەمە چاوپکراوەکانی بریتین لە (هەژارنامە، باخچەی بەهەشت، ئاڵەکۆک، چوارچیرۆک، دایە مەمدە بە گورگی، تەفسیری دوو سووڕەتی قوڕئان بە شێعر، گەنجینەی هیوا و گڕوکاش). 

ژێده‌ر- سپی میدیا