حه‌سه‌ن روحانی، سه‌رۆكی ئێران له‌میانه‌ی كۆبوونه‌وه‌ی حكومه‌ته‌كه‌یدا ئاشكرای كردووه كه له‌كاتێكی گونجاودا، وه‌ڵامی تیرۆركردنه‌كه‌ی فه‌خری زاده ده‌ده‌نه‌وه.
حه‌سه‌ن روحانی،سه‌رۆكی ئێران دوای كوژرانی فه‌خری زاده ، زانای ئه‌تۆمی ئێران رایگه‌یاندووه : تیرۆركردنی كردنی فه‌خری زاده، به‌بێ وه‌ڵام تێپه‌ڕ نابێت و تیرۆركردنه‌كه‌شی ئه‌نجامی شكستی دوژمنانی ئێرانه له‌ناوچه‌كه‌دا.
هه‌روه‌ها سه‌رۆكی ئێران گوتی: تیرۆركردنی فه‌خری زاده ئه‌وه‌ی سه‌لماند كه دوژمنان له‌هه‌فته‌كانی داهاتوودا له‌دۆخێكی راراییدا ده‌ژین .
حه‌سه‌ن روحانی گوتیشی: دوژمن ده‌یه‌وێ هه‌فته‌كانی داهاتوو بقۆزێته‌وه،بۆ ئه‌وه‌ی ئارامی و ئاسایشی ناوچه‌كه تێك بدات.
شایانی باسه دوێنێ هه‌ینی موحسین فه‌خریزاده، ئه‌ندازیاری وزه‌ی ئه‌تۆمی ئێران، له شارۆچكه‌ی ئابسه‌رد-ی سه‌ر به تاران كوژراو به‌رپرسانی ئێرانیش، ئیسرائیل به ئه‌نجامده‌ری ئه‌م كاره تۆمه‌تبار ده‌كه‌ن.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.