كاروانێكی سه‌ربازی هێزه‌كانی هاوپه‌یمانی نێوده‌وڵه‌تی به سه‌رۆكایه‌تی ئه‌مه‌ریكا گه‌یشتنه بنكه سه‌ربازییه‌كانی كوردستانی سووریا.
په‌یامنێری كوردستان تیڤی له قامشلۆ رایگه‌یاند: ئه‌مرۆ دووشه‌ممه له چوارچێوه‌ی هێزه‌كانی هاوپه‌یمانی نێوده‌وڵه‌تی كاروانێكی هێزه‌كانی ئه‌مه‌ریكا گه‌یشتنه بنكه سه‌ربازییه‌كانیان له شاری حه‌سه‌كه و ده‌وروبه‌ری، ئاماژه‌ی به‌وه‌ش كرد ئه‌و هێزانه‌ی ئه‌مه‌ریكا له هه‌رێمی كوردستانه‌وه هاتوونه‌ته ئه‌و ناوچه‌یه.
گوتیشی، ئه‌و هێزانه له كه‌لوپه‌ل و ئۆتۆمبێلی سه‌ربازی و لۆجستی و سووته‌مه‌نی پێكهاتبوون.
كۆتاییه‌كانی مانگی رابردووش هێزه‌كانی ئه‌مه‌ریكا چه‌ندین كاروانی گه‌وره‌ی كه‌لوپه‌لی سه‌ربازی و لۆجستی و سووته‌مه‌نیان بۆ حه‌سه‌كه گواسته‌وه.
پێشووتریش جه‌نه‌ڕال كوین كوپسی جێگری فه‌رمانده‌ی هێزه‌كانی هاوپه‌یمانی نێوده‌وڵه‌تی به سه‌رۆكایه‌تی ئه‌مه‌ریكا رایگه‌یاندبوو، هاوپه‌یمانی نێوده‌وڵه‌تی پابه‌ندی پاڵپشتی هێزه‌كانی سووریای دیموكراتیكه و بڕیاری كشانه‌وه‌یان له عێراق و ئه‌فغانستان هیچ په‌یوه‌ندی به هێزه‌كانیان له باكووری سووریاوه نییه.
کۆمێنت (0)
تا ئێستا هیچ کۆمێنتێک نەکراوە.