دوو پەیامی هاوخەمی لە بارەگای بارزانییەوە

باره‌گای بارزانی سه‌ره‌خۆشی له‌ ئارمانج نێروه‌یی ده‌كات

به‌ناوی خودای به‌خشنده‌ و میهره‌بان

به‌ڕێز، كاك ئارمانج نێروه‌یی

به‌داخێكی زۆره‌وه‌ هه‌واڵی كۆچی دوایی خاتوو(ربیعە ئەبابەکر ئێکمالەی) دایكی به‌ڕێزتان و هاوژینی پێشمه‌رگه‌ی شۆڕشی ئه‌یلوول و گوڵان خوالێخۆشبوو(حەبیب بێشیلی)مان پێگه‌یشت.

خاتوو ره‌بیعه‌ ئه‌بابه‌كر جگه‌ له‌وه‌ی هاوژینی پێشمه‌رگه‌یه‌كی به‌وه‌فای وه‌ك(حەبیب بێشیلی) بوو، خۆیشی یه‌كێك له‌ كادیره‌ چالاك و نیشتیمانپه‌روه‌ره‌كان و له‌ ریزه‌كانی یه‌كێتی ئافره‌تانی كوردستان له‌ پێناو میلله‌ته‌كه‌یدا خاوه‌ن خه‌باتێكی رێكخراوه‌یی و نه‌ته‌وه‌یی بوو.

به‌م بۆنه‌ خه‌مناكه‌وه‌، پرسه‌ و سه‌ره‌خۆشی ئاراسته‌ی به‌ڕێزتان و ته‌واوی خانه‌واده‌ و كه‌سوكارتان ده‌كه‌ین، خۆمان به‌هاوبه‌شی خه‌می هه‌موو لایه‌كتان ده‌زانین.

له‌ خودای دلۆڤان داواكارین دڵنه‌وایی و ئارامی به‌ به‌ڕێزتان و خانه‌واده‌ و كه‌سوكارتان ببه‌خشێت و گیانی دایكی خوالێخۆشبووتان به‌ر ره‌حمه‌تی خۆی بخات و به‌ به‌هه‌شتی به‌رینی شاد بكات.

انا للە و انا الیە راجعون

باره‌گای بارزانی

8ـی12ـی2020

...........................

باره‌گای بارزانی سه‌ره‌خۆشی له‌ خانه‌واده‌ی فه‌خره‌دین ره‌زا محه‌مه‌د سیته‌كی ده‌كات

به‌ناوی خودای به‌خشنده‌ و میهره‌بان

به‌ڕێزان، خانه‌واده‌ی خوالێخۆشبوو فه‌خره‌دین ره‌زا محه‌مه‌د سیته‌كی

به‌دڵگرانیه‌كی زۆره‌وه‌ هه‌واڵی كۆچی دوایی كادیر و پێشمه‌رگه‌ی به‌وه‌فای شۆڕشی گوڵان(فه‌خره‌دین ره‌زا محه‌مه‌د سیته‌كی)مان پێگه‌یشت.

پرسه‌ و سه‌ره‌خۆشی ئاراسته‌ی خانه‌واده‌ به‌ڕێز و نیشتیمانپه‌روه‌ره‌كه‌تان و ته‌واوی خزم و دۆست و ئاشنایانتان ده‌كه‌ین، خۆمان به‌هاوبه‌شی خه‌متان ده‌زانین.

له‌ خودای گه‌وره‌ داواكارین گیانی خوالێخۆشبوو(فه‌خره‌دین ره‌زا محه‌مه‌د سیته‌كی) به‌ر دلۆڤانی خۆی بخات و به‌ به‌هه‌شتی به‌رینی شاد بكات، دڵنه‌وایی و ئارامی به‌ ئێوه‌ و كه‌سوكارتان ببه‌خشێت.

انا للە و انا الیە راجعون

باره‌گای بارزانی

8ـی12ـی2020