حكوومه‌تی ئه‌ڵمانیا له‌سێداره‌دانی روحوڵڵا زه‌م ،سه‌رنووسه‌ری ماڵپه‌ڕ ی هه‌واڵی ئامه‌د نیوز، له‌لایه‌ن ده‌سه‌ڵاتدارانی ئێرانه‌وه ئیدانه كرد.
وه‌زاره‌تی ده‌ره‌وه‌ی ئه‌ڵمانیا له به‌یاننامه‌یه‌كدا ئیدانه‌ی له‌سێداره‌دانی رۆژنامه‌نووسی ئێرانی، روحوڵڵا زه‌م كرد كه دوێنێ شه‌ممه له‌لایه‌ن ده‌سه‌ڵاتدارانی تارانه‌وه له سێداره‌درا.
له به‌یاننامه‌كه‌دا وه‌زاره‌تی ده‌ره‌وه‌ی ئه‌ڵمانیا وێڕای سه‌ره‌خۆشی له كه‌سوكار و نزیكه‌كانی رۆژنامه‌نووس روحوڵڵا زه‌م، راده‌گه‌یه‌نێت كه ئه‌و كرده‌یه‌ی به‌رپرسانی ئێران ئه‌وانی تووشی شۆك كردووه.
وه‌زاره‌تی ده‌ره‌وه‌ی ئه‌ڵمانیا راشیگه‌یاندووه كه پرۆسه‌ی رفاندنی زه‌م و چۆنییه‌تی دادگاییكردنیشی بۆ ئه‌وان جێی سه‌رسوڕمان بووه و جێبه‌جێكردنی بڕیاری له‌سێداره‌دانه‌كه‌ش به "نادادپه‌روه‌رانه و له ده‌ره‌وه‌ی پێوه‌ره مرۆڤایه‌تییه‌كان" له قه‌له‌مداوه.
کۆمێنت (0)
تا ئێستا هیچ کۆمێنتێک نەکراوە.