سه‌رۆكایه‌تیى هه‌رێمى كوردستان هێرشه تیرۆرستییه‌‌كه‌ى ئه‌مشه‌وى سه‌ر باڵیۆزخانه‌ى ئه‌مه‌ریكا له به‌غدا ئیدانه ده‌كات و له‌م باره‌یه‌وه راگه‌یه‌نداوێكی بڵاوكرده‌وه رایگه‌یاند: ئه‌ركى حكوومه‌تى عێراقه كه ئاسایش و سه‌لامه‌تیى نێرده دیپلۆماتییه‌كانى وڵاتان و سه‌ر و ماڵى هاووڵاتیان بپارێزێت.
سه‌ركۆنه‌ى هێرشه تیرۆرستییه‌‌كه‌ى ئه‌مشه‌وى سه‌ر باڵیۆزخانه‌ى ئه‌مه‌ریكا له به‌غدا ده‌كه‌ین. دووباره‌بوونه‌وه و به‌رده‌وامیى ئه‌م جۆره هێرشانه بۆ سه‌ر نێرده دیپلۆماتییه‌كان و نوێنه‌رایه‌تیى وڵاتان، دژى به‌رژه‌و‌ه‌ندییه‌كانى عێراق و سه‌روه‌ریى وڵاتن، هه‌روه‌ها دژى یاساى نێوده‌وڵه‌تین و ئه‌نجامى خراپیان لێده‌كه‌وێته‌وه، په‌یوه‌ندییه‌كانى عێراقیش له‌گه‌ڵ وڵاتان ده‌خاته مه‌ترسییه‌كى ڕاسته‌قینه‌وه.
ئه‌ركى حكوومه‌تى عێراقه كه ئاسایش و سه‌لامه‌تیى نێرده دیپلۆماتییه‌كانى وڵاتان و سه‌ر و ماڵى هاووڵاتیان بپارێزێت و هه‌موو ڕێكارێكى پێویست بگیرێته به‌ر بۆ ئه‌وه‌ى ئه‌و هێرشانه دووباره نه‌بنه‌وه و ئه‌نجامده‌رانى بدۆزرێنه‌وه تا بدرێنه دادگا و به سزاى خۆیان بگه‌یه‌نرێن.
سه‌رۆكایه‌تیى هه‌رێمى كوردستان
2020/12/20
کۆمێنت (0)
تا ئێستا هیچ کۆمێنتێک نەکراوە.