حه‌سه‌ن روحانی ،سه‌رۆكی ئێران له كۆنگره‌یه‌كی رۆژنامه‌وانیدا رایگه‌یاند: له‌به‌رامبه‌ر بڕینی ده‌ستی قاسم سوله‌یمانی، فه‌رمانده‌ی فه‌یله‌قی قودسی سه‌ر به‌سوپای پاسدارانی ئێران، قاچی ئه‌مریكا ده‌بڕن.
هه‌روه‌ها سه‌رۆكی ئێران گوتی: هه‌ر یه‌ك له دۆناڵد تره‌مپ ، سه‌رۆكی ئه‌مریكاو مایك پۆمپه‌یۆ، وه‌زیری ده‌ره‌وه‌ی ئه‌مریكا ،به‌شێوه‌یه‌كی سه‌ره‌كی له‌پشت كوژرانی قاسم سوله‌یمانی بوون.
حه‌سه‌ن روحانی گوتیشی: دوای چه‌ند رۆژی دیكه، رۆژانی تره‌مپ كۆتایی دێت و ناوی ده‌چێته نێو زبڵدانی مێژوو.
سه‌رۆكی ئێران ئاماژه‌ی به‌مه‌شداوه كه ئیسرائیل گه‌وره‌ترین سوودمه‌نده له تێكچوونی ره‌وشی سووریاو یه‌مه‌ن و ئه‌فغانستان و عێراق.
شایانی باسه له3ی كانوونی دووه‌می 2020 قاسم سوله‌یمانی و ئه‌بو مه‌هدی موهه‌ندیس، له‌هێرشێكی ئه‌مریكا له‌نزیك فڕۆكه‌خانه‌ی به‌غدا كوژران و دوای هێرشه‌كه‌ش ده‌ستی بڕاوی قاسم سوله‌یمانی بڵاوكرایه‌وه.
وه‌رگێڕان و داڕشتنه‌وه‌ی / رزگار
کۆمێنت (0)
تا ئێستا هیچ کۆمێنتێک نەکراوە.