حكوومه‌تی عێراق، مۆڵه‌تی جێبه‌جێكردنی شه‌ش پڕۆژه‌ی پیشه‌سازیی و بیناسازیی به گوژمه‌ی 20 ملیار دۆلار له پارێزگای موسه‌ننا باشووری عێراق، دایه گرووپی كۆمپانیاكانی چین.
له‌مباره‌یه‌وه عادل یاسری ، سه‌رۆكی ده‌سته‌ی وه‌به‌رھێنان له پارێزگای موسه‌ننا، له راگه‌یاندراوێكدا ئاماژه‌ی به‌وه‌داوه كه گرووپی كۆمپانیاكانی، ھۆڵده‌ر، نكیر و سان یان-ی چینی به گوژمه‌ی 20 ملیار دۆلار شه‌ش پڕۆژه‌ی پیشه‌سازیی و بیناسازیی له پارێزگای موسه‌ننا جیبه‌جێ ده‌كه‌ن و ھاتووه: "مۆڵه‌تی جێبه‌جێكردنی ئه‌و شه‌ش پڕۆژه‌یه دراون به گرووپی كۆمپانیاكانی، ھۆڵده‌ر، نكیر و سان یان-ی چینی و قۆناغی یه‌كه‌می ئه‌و پڕۆژانه‌یش كه گوژمه‌ی ده‌گاته دوو ملیار دۆلار له دوو شوێنی نزیك پاڵاوگه‌ی نه‌وتی سه‌ماوه جێبه‌جێ ده‌كرێت".
به‌پێی راگه‌یاندراوه‌كه پڕۆژه‌كانیش، دروستكردنی وێستگه‌یه‌كی كاره‌با و كارگه‌یه‌كی به‌رھه‌مھێنانی كاشی له‌گه‌ڵ دروستكردنی كارگه‌یه‌كی به‌رھه‌مھێنانی سیرامیكی دیوار، ھه‌روه‌ھا دروستكردنی كارگه‌یه‌كی به‌رھه‌مھێنانی ده‌رمان و كارگه‌یه‌كی به‌رھه‌مھێنانی كه‌ره‌سته‌كانی جوانكاری و دروستكردنی كارگه‌یه‌كی دیكه‌ی به‌رھه‌مھێنانی په‌ڕه و مه‌قه‌با له‌خۆده‌گرێت.
کۆمێنت (0)
تا ئێستا هیچ کۆمێنتێک نەکراوە.