وەزیری كارەبا جەختی لەخێرا جێبەجێكردنی پڕۆژەی پێوەری زیرەك كرده‌وه و رایگه‌یاند: بەتەواوبوونیشی كۆنترۆڵی دابەشكردنی كارەبا ده‌كرێت.
كەمال محه‌مه‌د ساڵح، وەزیری كارەبای حكومه‌تی هه‌رێمی كوردستان رایده‌گه‌یه‌نێـت، كاری زۆر كراوه بۆ بواری بەرهەمهێنان و گواستنەوە و دابەشكردنی كارەبا. ده‌شڵێت: له كۆبونه‌وه‌ی رابردووی وه‌زاره‌ت ته‌وه‌رێك تایبه‌ت كرابوو به بەتەواوبوونی تەندەری جێبەجێكردنی پڕۆژەی بەرهەمهێنانی كارەبا، لە رێگەی وزەی خۆرەوە، كە لە رێگەی وەبەرهێنانەوە بڕی حه‌فتا و پێنج مێگاوات جێبەجێدەكرێت.
سەبارەت بە پێوەری زیرەك، وەزیری كارەبا جەختی لەخێرا جێبەجێكردنی پڕۆژەكە كردەوە، بەتەواوبوونیشی باشتر كۆنترۆڵی دابەشكردنی كارەبا و كەمكردنەوەی سەرپێچیەكان دەكرێت، ئه‌مه‌ش ده‌بێته هۆی زیاد بوونی كاتژمێره‌كانی پێدانی كاره‌بای نیشتیمانی به هاووڵاتیان.
کۆمێنت (0)
تا ئێستا هیچ کۆمێنتێک نەکراوە.