ده‌سه‌ڵاتدارانی ئێران ئه‌مڕۆ شه‌ممه رایگه‌یاند كه له‌ئاكامی ته‌قینه‌وه‌یه‌كی گازی ماڵان له شاری ئه‌رده‌بیل له باكووری رۆژئاوای ئێران دووكه‌س كوژراون و 10 كه‌سی دیكه‌ش برینداربوون.
له‌مباریه‌وه ماجد محه‌مه‌د غه‌ریبانی، سه‌رۆكی ناوه‌ندی فریاكه‌وتنی ئه‌رده‌بیلی پزیشكی به ئاژانسی ئێرنای ئێرانی راگه‌یاندووه كه له‌ته‌قینه‌وه‌یه‌كی گازی له خانووێكی نیشته‌جێبوون له ئه‌رده‌بیل، دوو كه‌س كوژراون و 10 كه‌سی دیكه‌ش برینداربوون.
هه‌روه‌ها گوتی: ته‌قینه‌وه‌كه كاتژمێر 7:2 خووله‌كی به‌یانی ئه‌مڕۆ له یه‌كه‌یه‌كی نیشته‌جێبوون له‌چواڕیانی دانش له‌نێوان شه‌قامی نه‌عیبی و به‌غشیمه له ئه‌رده‌بیل روویداوه.
گوتیشی: دوای رووداوه‌كه برینداره‌كان به‌مه‌به‌ستی وه‌رگرتنی چاره‌سه‌ر ره‌وانه‌ی نه‌خۆشخانه كراون.
ماجد محه‌مه‌د غه‌ریبانی روونیشیكردۆته‌وه كه به‌هێزی ته‌قینه‌وه‌كه بۆته هۆی رووخانی چه‌ند به‌شێكی گرنگی خانووه‌كانی نیشته‌جێبوون .
وه‌رگێڕان و داڕشتنه‌وه‌ی / رزگار
ژێده‌ر / سپۆتنیك
کۆمێنت (0)
تا ئێستا هیچ کۆمێنتێک نەکراوە.