راگەیاندنی پارێزگای دهۆك راگەیەندراوێکی بڵاویکردەوە رایگه‌یاند: گرتن بە بڕیاری دادگا باشترە لە كوشتن و تۆقاندن و سووتاندن و تەقەكردن لە بارەگا و بەرێوەبەرایەتییە مەدەنییەكان، ئیدارەی پارێزگای دهۆک لە راگەیەندراوێکدا بڵاویکردەوە.
ماوەیەکە لایەنەکێ سیاسی بەحسێ گرتنا خەلکی ب تاوانا بیروباوەرێن سیاسی و ڕادەربرینا یٔازاد ل دەڤەرا پارێزگەها دهۆکێ دکەت.
یٔازادیا سیاسی و ڕادەربرین دگەل جاسوسی و قاچاقچیاتی و فروشتنا چەک و تەقەمەنی بۆ گرۆپێن چەکدار یا جیاوازە، هەموو یٔەو کەسێن ل پارێزگەها دهۆکێ هاتینەگرتن ب بریارا دادگەهێ بوویە و هەر دادگەهـ ژی دێ بریارێ لسەر چارەنڤیسێ وان دەت.
گرتن ب بریارا دادگەهێ باشترە ژ کوشتن و توقاندن و سوتن و تەقەکرن ل بارەگا و رێڤەبەریێن مەدەنی. هەبوونا تەنایی و سەقامگێریێ هەردەم باشترە ژ یٔاژاوە و بەرەلاییێ، پارێزگەها دهوکێ یا ب خۆدانە و جهێ جاسوس و قاچاقچی و یٔاژاوەگێرا تێدا نابیت.
پاراستنا یٔاسایشا سەر و مالێ هاولاتیان، گرنگترین یٔەرکێ سازیێن حکومەتا هەرێما کوردستانێیە کو د چوارچووڤێ یاساییدا دهێتە جێبەجێکرن. پارێزبەندیا یاسایی لسەر یٔەندامێن چ لایەنێن سیاسی نینە دەما توشی سەرپێچیەکا سیاسی دبن و هەموو بەرانبەر یاسای وەکهەڤن.
ل پارێزگەها دهۆکێ یاسا سەروەرە، یٔەگەر ل جهێن دیتر پارتێن سیاسی ل جهێ دادگەها بریارێ ددەن، ل پارێزگەها دهوکێ لایەنێن سیاسی جهێ دادگەها و کادرێن سیاسی جهێ دادوەرا ناگرن.
ڕاگەهاندنا پاێزگەها دهۆکێ
کۆمێنت (0)
تا ئێستا هیچ کۆمێنتێک نەکراوە.