له دیدارێكی قوباد تاڵە‌بانی و باڵیۆزی ئە‌مریكا له عێراق، دواپێشھات و گۆڕانكارییە سیاسی و ئە‌منییە‌كان خرانە بە‌رباس.
لە‌میانی سە‌ر‌دانە‌كە‌یدا بۆ بە‌غدا، پاش نیوە‌ڕۆی ئەمڕۆ 17 شوباتی 2021، قوباد تاڵە‌بانی جێگری سە‌رۆكی ئە‌نجومە‌نی وە‌زیران، لەگەڵ باڵیۆزی ئە‌مریكا لە عێراق ماپیۆ تولە‌ر كۆبووە.
لە‌كۆبوونە‌وە‌كە‌دا، دواپێشھات و گۆڕانكارییە سیاسی و ئە‌منییە‌كان خرانە بە‌رباس.
جێگری سە‌رۆكی ئە‌نجومە‌نی وە‌زیران باسی لە ڕێڕە‌وی گفتوگۆكانی وە‌فدی ھە‌رێم كرد لە‌بارە‌ی پڕۆژە یاسای بودجە‌ی٢٠٢١ی عێراق و كۆبوونە‌وەو دیدارەکان لەگەڵ لایە‌نە پە‌یوە‌ندیدارە‌كان.
ھێرشە مووشە‌كییە‌كە‌ی سە‌ر شاری ھە‌ولێر بە‌شێكی تری گفتوگۆكان بوو و هەردوولا جە‌ختیان لە گرنگی پاراستنی ئارامی عێراق و كوردستان كردە‌وە.
لە‌تە‌وە‌رێكی تردا باس لە رە‌وشی سیاسی و دوا گۆڕانكارییە‌كانی ھە‌رێمی كوردستان كرا.
کۆمێنت (0)
تا ئێستا هیچ کۆمێنتێک نەکراوە.