وه‌زاره‌تی ده‌ره‌وه‌ی ئه‌مه‌ریكا ڕایگه‌یاند: ئیداره‌ی نوێی كۆشكی سپی هه‌ڵوێستی له باره‌ی سیاسه‌تی حزبوڵڵای لوبنان و ئێران ناگۆڕێت.
گێرئه‌لدین گریفیس گوته‌بێژی وه‌زاره‌تی ده‌ره‌وه‌ی ئه‌مه‌ریكا ڕایگه‌یاند: ئیداره‌ی نوێی كۆشكی سپی به هیچ شێوه‌یه‌ك هه‌ڵوێستی له باره‌ی سیاسه‌تی حزبوڵڵای لوبنانی ناگۆڕێت و ئه‌و حزبه له‌ڕیزی ڕێكخراوه تیرۆریستییه‌كان ده‌ناسێنێت.
گریفیس له چاوپێكه‌وتنێكیدا له كه‌ناڵێكی ئه‌و وڵاته‌وه رایگه‌یاندووه واشنتۆن هه‌وڵده‌دات سنوورێك بۆ ده‌ستوه‌ردانه‌كانی ئێران له ناوچه‌كه و به تایبه‌تی له لوبنان و یه‌مه‌ن دابنێت.
گوته‌بێژی وه‌زاره‌تی ده‌ره‌وه‌ی ئه‌مریكا ئاماژه‌ی به‌وه‌شكرد ئه‌وه‌ی به‌لای ئه‌مریكاوه گرنگه له لوبنان ئه‌وه‌یه حكومه‌تی نوێ بتوانێت وه‌ڵامی داخوازییه‌كانی گه‌لی لوبنان بداته‌وه و چاكسازی بكات و ئه‌و بڕیاره‌ش ده‌گه‌ڕێته‌وه بۆ گه‌لی لوبنان.
هه‌روه‌ها ئاماژه‌ی به‌وه‌شكرد حكومه‌تی وڵاته‌كه‌ی له‌گه‌ڵ فه‌ره‌نسا هه‌وڵده‌دات پشتیوانی زیاتری لوبنان بكات بۆ ئه‌وه‌ی بتوانێت رووبه‌ڕووی هه‌ڕه‌شه ئابوورییه‌كان و مه‌ترسییه‌كانی كۆرۆنا ببێته‌وه.
کۆمێنت (0)
تا ئێستا هیچ کۆمێنتێک نەکراوە.