بۆ جارا ئێكێ ده‌ربارێ ئه‌نفال و كیمیابارانێ دا پەرلەمانتەره‌كێ کورد پرۆژه‌یه‌ك پێشكشی په‌رله‌مانا ئه‌ڵمانیا تێ كرن، چەند داخازان پێشکێشی پەرلەمانا ئەلمانیا فیدرال دکەت
پەرلەمانتەرا ئەلمانیا فیدرال هێلین ئەڤریم سومەر ژ پارتیا چەپێن ئەلمانیا پروژەک ئامادە کریە ل سەر ئوپەراسیونا ئەنفالا و بوردومان کرنا هەلەبچە، دخازیت ل پەرلەمانا ئەلمانیا ڤی پروژەی پێشکێش بکەت. حکومەتا ئەلمانیا فیدرال حەتا نۆکە کۆمەل کۆژیا کوردان ل هەوێن ئەنفالێ بگازێن کیمیاوی وەکو کومەلکوژی نەدایە دیار کرن .
- دڤێت حکومەتا ئەلمانیا دانپێنانێ بکەت وەکو کۆمەل کوژی هەرەسان.
-دڤێت حکومەتا ئەلمانیا دگەل حکومەتا عێراقێ د پەراوێزا بەرنامێ هاریکارو پەرەپێدانێ دا قەرەبویا رزگاربویان بکەت.
- دڤێت ئەلمانیا ڤەکۆلینێ دگەل وان کۆمپانیا بکەت یێن چەکێ کۆم کۆژ و کیمیاوی فروتیە رژێما عێراقێ.
دهەوێن ئەنفالدا 182 هزار کەس ژ کوردو کلدو ئاشوریان ژلایێ رژێما سەدام حسین هاتنە ئەنفال کرن و بەرزەکرن د کیمیابارانا هەلەپچەدا 5000 هزار هاوولاتێین بێ تاوان بگازێن ژەهراوی ژلایێ رژێما ژناڤچویڤە هاتنە کیمیاباران کرن و شەهید کرن. حەتا نوکە هەوێن ئەنفالا و کۆمەلکوژیێن دژی کوردان وەکو جینوساید و کۆمەلکوژی دناڤا سازیێن جیهانی دا نەهاتینە نیاسین و دانپێنان پێ نەهاتیە کرن.
ئەڤە ئێکەمین جارە پروژەک بڤی رەنگی ژلایێ پارتیا چەپێن ئەلمان و پەرلەمانتەرا کورد هێلین دهێتە ئامادەکرن.
کوردستان تیڤی - بەرلین
کۆمێنت (0)
تا ئێستا هیچ کۆمێنتێک نەکراوە.