بەڕێزان خانەوادەی خوالێخۆشبوو (مەجید ئەتروشی)
بە داخ و پەژارەیەکی زۆرەوە ھەواڵی کۆچی دوایی کەسایەتیی رووناکبیر و تێکۆشەر (مەجید ئەتروشی)مان بیست، بەو بۆنە خەمناکەوە پرسە و سەرەخۆشیی خۆمان ئاڕاستەی ئێوەی بەڕێز و کەسوکار و بنەماڵەکەتان دەکەین، خۆمان بە شەریکی خەمتان دەزانین.
خوالێخۆشبوو (مەجید ئەتروشی) سیاسەتمەدار و کەسایەتییەکی رۆشنبیر و بەئەزموون بوو، یەکێک بوو لە ئەندامانی پێشووتری سەرکردایەتیی پارتیمان، ھەروەھا وەک کەسایەتییەکی سیاسی و لێھاتوو لە بواری کاری سیاسی جێدەستی دیار و بەرچاو بوو.
ھیواخوازین ھاوخەمیی دڵسۆزان و ھەڤاڵانی خوالێخۆشبوو، ببێتە مایەی دڵنەوایی و سەبووریی خانەوادە تێکۆشەرەکەتان و لە خەم و خەفەتتان کەم بکاتەوە.
جارێکی دیکە بە ناوی خۆمان و ھەڤاڵانی ئەنجوومەنی سەرکردایەتیی پارتیمانەوە، پرسە و سەرەخۆشیمان دووپات دەکەینەوە و لە خوای گەورە داواکارین لە خەم و ئازار و کۆستی دیکە بەدوور بن و گیانی ھەڤاڵی کۆچکردوویش بە بەھشتی بەرین شابکات..
مەکتەبی سیاسیی پارتی دیموکراتی کوردستان
٢٥ـی شوباتی ٢٠٢١
کۆمێنت (0)
تا ئێستا هیچ کۆمێنتێک نەکراوە.