گوتەبێژی وەزارەتی دەرەوەی ئەمریکا رایگەیاند: پشودرێژی ویلایەتە یەکگرتووەکانی ئەمریکا بەرامبە گەڕانەوەی ئێران بۆ نێو رێککەوتنی ئەتۆمی ساڵی دووهه‌زار و پازده سنوردارە و رێکاری نوێ دەگرنەبەر تا رێگری بکەن لەوەی تاران دەستی بگات بە چەکی ئەتۆمی.
نێد پرایس، گوتەبێژی وەزارەتی دەرەوەی ئەمریکا لەکۆنفرانسێکی رۆژنامەنوسیدا ئاماژەی بەوەشکرد: پشودرێژیمان سنوردارە، بەڵام باوەڕمان وایە سەرۆک جۆ بایدن لەسەر ئەم بابەتە هەڵوێستی ڕوونی هەیە و ئەو هەنگاو و رێکارانەشی گیراونەتەبەر كاریگه‌رن.
ئاماژەی بەوەشکرد، رێکارەکان و چارەسەری دیپلۆماسی دەتوانێت رۆڵی کاریگەر بگێڕن بۆ ئەوەی ئێران نەتوانێت ببێت بە خاوەن چەکی ئەتۆمی.
لەماوەی چەند رۆژی رابردوودا ئێران داواکاری وڵاتانی ئەوروپای بۆ دەستبەجێ راگرتنی پیتاندنی یۆرانیۆم و گەڕانەوە بۆ پابەندبوونەکانی بە رێککەوتنی ئەتۆمی ساڵی دووهه‌زار و پازده رەتکردەوە و پەرلەمانی ئێرانیش رێگریکرد لەوەی تیمی ئاژانسی نێودەوڵەتی وزەی ئەتۆم سەردانی ناوەندە ئەتۆمییەکانی وڵاتەکەی بکەن.
کۆمێنت (0)
تا ئێستا هیچ کۆمێنتێک نەکراوە.