ل ژێر جاڤدێریا پارێزگارێ دهوکێ کومبونا لژنا پاراستنا زاروکان د ئاستەکێ بلند دا هاتە ئەنجامدان

چەندین رێڤەبەر و رێکخراوێن پەیوەندیدار یێن پەیوەندی ب پاراستنا زاروکان ڤە هەی کومبونەکا بەرڤرەهــ هاتە ئەنجامدان.

ئەڤرو ئێڤاری ل رێکەفتی ٢٠٢١/٣/١ روژا دوشەمبی لژێر جاڤدێریا د.عەلی تەتەر '' پارێزگارێ دهوکێ،  ل هولا کومبونان ل میدیا سەرایێ، ب ئامادەبونا هەردوو جێگرێن پارێزگارێ دهوکێ  شمعون شلیمون ایشو ''  و '' ماجد سەید سالح '' و دادوەر '' محمد امین'' سەروکێ دادگەها تێهەلچونێ ل دهوکێ و داوا کارێ گشتی و چەندین رێڤەبەر ورێکخراوێن پەیوەندیدار یێن پەیوەندی ب پاراستنا زاروکان ڤە هەی کومبونەکا بەرڤرەههاتە ئەنجامدان.

د کومبونێ دا ب تێرو تەسەل بەحسا هەمی وان ئەگەران هاتەکرن یێن د بنە هوکارێن بازرگانی کرنێ ب زاروکان.
 
دووڤدا هەمو لایەنێن بەژدار ئێك ب ئێك راپورتێن خو یێن جودا جودا بو سەروکێ دادگەها دهوکێ و جهێن بەرپرسیار خستنە بەر چاڤ وخواست ب زوترین دەم چارەسەریێن یاسیی بو بهێنە ڤەدیتن و بەحسا ڤان خالێن ل خوارێ هاتە کرن

- زاروکێن ل جادەیان خاستنێ دکەن
- نەهێلانا زاروکێن دناڤ ئاڤاهیاندا کار پێ دهێتە کرن
- ڤاڤارتن دناڤبەرا وان زاروکێن ژ نەچاری خواستنێ دکەن و یێن د هێنە ب کار ئینان
- رێ نەدانا سوشیال مەدایێ و کارکرنا مەدیایان لسەر زاروکان بو مەبەستێن تایبەت
- نەهێلانا هاندانا سەمیانێن هندەك ژوان زاروکێن خاستنێ دکەن

ل دوماهیێ، شمعون شلیمون ایشو، جێگرێ پارێزگارێ دهوکێ بناڤێ پارێزگارێ دهوکێ دەستخوشی ل وان سازیان کر یێن بو ماوەیەکێ درێژە کار لسەر فێ چەندێ دکەن هەروەسان پشتەڤانیا ئیدارا پارێزگەهێ بو هەموو لایەکی دوپات کرەڤە

هەژی گوتنێ یە لژنا پاراستنا زاروکان ب سەرپەرشتیا جێگرێ پارێزگارێ دهوکێ و ب هەما هەنگی دگەل رێڤەبەریا چاڤدێریا گەشەپێدانا جفاکی ل دهوکێ و هژمارەکا سازیێن پەیوەندیدار و رێکخراوێن نێڤدەولەتی و نافخویی  ماوەیەکێ درێژە ب دیراسەتەکا باش و پێداچونێن هویر کار لسەر کێمکرنا دیاردێن بکار ئینا زاروکان دکەت و ئامارێن سالێن بوری هەمی بەرهەفکرینە بو وێ یەکێ بگەهنە چارەسەری و دەرئەنجامێن باش بو پاراستنا تەخا وان زاروکێن ئاماژە پێ هاتیە دان .

هەروەسا راپورتێن جودا جودا پێشکێشی بنگەهێن پولیسان و جهێن دوڤچون و نە هێلانا ڤان دیاردا کرن.