وه‌زیری شاره‌وانی هه‌رێم رایگه‌یاند: دانانی پڕۆژه‌ی ماسته‌رپلانی شاری هه‌ڵه‌بجه یه‌كه‌م پڕۆژه‌یه له لیستی پڕۆژه‌كانی وه‌زاره‌تی شاره‌وانی و گه‌شتوگوزار.
ساسان عه‌ونی وه‌زیری شاره‌وانی هه‌رێمی كوردستان له لێدوانێكی رۆژنامه‌وانیدا له‌به‌رده‌م په‌رله‌مانی كوردستان رایگه‌یاند: چه‌ند مانگێك پێش ئێستا پڕۆژه‌یه‌كی دیكه‌مان به‌بڕی سێ ملیار دینار له هه‌ڵه‌بجه كردووه‌ته‌وه و پڕۆژه‌كه كه‌وتووه‌ته واری جێبه‌جێكردنه‌وه.
ساسان عه‌ونی گوتیشی دانانی پڕۆژه‌ی ماسته‌رپلانی شاری هه‌ڵه‌بجه یه‌كه‌م پڕۆژه‌یه له لیستی پڕۆژه‌كانی وه‌زاره‌تی شاره‌وانی و گه‌شتوگوزار.
سه‌باره‌ت به‌و راپۆرته‌ی لیژنه‌ی شاره‌وانی و گه‌شتوگوزار له په‌رله‌مان ئه‌مڕۆ خوێنراوه‌ته‌وه و پێشكه‌شی وه‌زاره‌تی شاره‌وانی كراوه، ساسان عه‌ونی گوتی راپۆرتێكی زۆر باش بووه و ئێمه وه‌ك وه‌زاره‌تی شاره‌وانی هه‌ماهه‌نگییه‌كی زۆر باشمان له‌گه‌ڵ لیژنه‌كه هه‌یه.
کۆمێنت (0)
تا ئێستا هیچ کۆمێنتێک نەکراوە.