مەکتەبی سیاسی پارتی سەرەخۆشی لە خانەوادەی نووری باریکەیی دەکات

به‌ڕێزان خانه‌واده‌ی هونه‌رمه‌ند‌ نووری باریكه‌یی

به‌ داخ و پەژارەیەکی زۆرەوە هه‌واڵی كۆچی دوایی پێشمه‌رگه‌ی ھەردوو شۆڕشی مەزنی ئه‌یلوول و گوڵان، ھەڤاڵی تێکۆشەر و بەوەفای رێبازی بارزانی و پارتیمان، هونه‌رمه‌ندی میللی (نووری عه‌بدوڵڵا) ناسراو به ‌(نووری باریكه‌یی)مان پێگه‌یشت.

بەم بۆنە خەمناکەوە، پرسه‌ و سه‌ره‌خۆشی ئاڕاسته‌ی خانه‌واده‌ و كه‌سوكار و ئاشنا و ھەڤاڵانی خوالێخۆشبوو و خه‌ڵكی ھونەردۆست و بەئەمەکی دەڤەری گه‌رمیان ده‌كه‌ین و، خۆمان به‌ هاوبه‌شی خه‌متان ده‌زانین.

له‌ خودای گه‌وره‌ داواكارین سەبووری و ئارامی بە ھەموولایەک ببه‌خشێت و گیانی ھونەرمەندی کۆچکردوویش بە بەھەشتی بەرین شاد بکات.

انا لله وانا الیە راجعون.

مەکتەبی سیاسیی پارتی دیموکراتی کوردستان