بڕی (1000) ھەزار کیلۆ گۆشتی ناتەندروست دەستی بەسەرداگیراو (4) گۆشت فرۆش بەفەرمانی قایمقامی ھەولێر داخران.
له راگه‌یه‌ندراوێكی قایمقامیەتى قەزای ناوەندیى هەولێر ئەمڕۆ دووشەممە ڕێکەوتی 2021.4.26 لەدرێژەی چاودێری و بەدواداچوونەکانی قایمقامیەتی قەزای ناوەندیی هەولێر، لەگەڵ بەڕێوەبەڕایەتی ڤێتێرنەری ھەولێر، دوای بەدواداچوون و پشکنین لەبازاڕی گەڕەکی فەرمانبەران، پشکنین و بەدواداچوون بۆ هه‌شت گۆشت فرۆش ئەنجامدرا، بەھۆی سەربڕینی ئاژەڵ لەبەردەم دوکانەکان و بەدەر لە ڕێنماییەکانی تەندروستی و ڤێتێرنەری ڕاستەوخۆ بەفەرمانی نەبەز عبدالحمید قایمقامی ھەولێر، چوار دوکانی گۆشت فرۆشی داخران، لەگەڵ دەستبەسەر داگرتنی 1000 ھەزار کیلۆ لەگۆشتی جۆراو جۆر و کەلەشی ناتەندروست و بەبێ مۆری سەربڕخانە ، بۆ ئەم مەبەستە ڕێکاری یاسایی گیرایەبەر کاردانەوەی یاسایی بەرامبەر خاوەنەکانیان دەکرێت.
کۆمێنت (0)
تا ئێستا هیچ کۆمێنتێک نەکراوە.