لدور نوچەیێ چولکرنا گوندێ دێشێش موختارێ گوندێ نافبری بو کوردستان تی ڤی دیارکر :گوند نەهاتیە چولکرن و هەژمارەکا ماڵێن تێدانە ودیارکر ژی کو لشەڤا بوری و ئێڤاریا ئەڤرو ژی دەوروبەرێن گوندی هاتینە بوردومانکرن.
وئەف چەندە ژی بویە جهێ ترس ودلنەرەحەتیێ لدەڤ روینشتڤانێن ڤی گوندی ژلایێ خو ڤە سەربەست سەبری رێڤەبەرێ ناحیا کانی ماسێ بو کوردستان تی ڤی دادیارکرن : کو گوندێ دێشێش ل دەڤەرابەرواری باڵا نها 6 بو 10 ماڵان تێدا هەنە و دیارکر ژی کو گوندێ دێشێش نەهاتیە چولکرن.
جهێ ئاماژەپێکرنێ یە ژبەر شەرو ئالوزیێن سوپایێ تورکیا و چەکدارێن پەکەکێ ل دەڤەرابەرواری باڵا ناڤ بناڤ دەوروبەرێن گوندێن دکەفنە بن زنارا کێستە دهێنە بوردومانکرن وئەڤ چەندە ژی بو ئەگەر کو نێزیکی مەهەکێ یە هەردوو گوندێن کێستە و چەلکا نەسارا ژلایێ وەڵاتیان ڤە هاتینە چولکرن.
تێتەزانین بەری نوکە 12 گوندێن دژی هاتبونە چولکرن لسنورێ ناحیا کانی ماسێ و دیسان نێزیکی مەهەکێ یە ژی هەردوو گوندێن کێستە وچەڵکا نەساراژی هاتنە چولکرن.
کۆمێنت (0)
تا ئێستا هیچ کۆمێنتێک نەکراوە.