وه‌زاره‌تی پيشه‌سازی و بازرگانی حكومه‌تی هه‌رێمی كوردستان رایگه‌یاند: له دوو هه‌فته‌ی داهاتوودا چه‌كی پاره‌ی گه‌نمی جوتیارانی هه‌رێمی كوردستان خه‌رج ده‌كرێـت و پشكی دهۆكیش دیاری كراوه.
نه‌وزاد شێخ كامل به‌ڕێوه‌به‌ری گشتیی بازرگانیی هه‌رێمی كوردستان رایگه‌یاند: وه‌زاره‌تی بازرگانی عێراق گوژمه‌ی پاره‌ی جوتیارانی هه‌رێمی كوردستانی بۆ ساڵی دووهه‌زار و بیست به چه‌ك ره‌وانه كردووه و هه‌موو پاره‌ی جوتیاران هه‌رێمی كوردستان بۆ ئه‌مساڵ خه‌رج ده‌كرێـت، ئه‌وه‌شی خسته‌ڕوو له هه‌فته‌ی داهاتوو رێكاری دانی پاره‌ی جوتیاران ده‌ست پێده‌كات .
پشكی پاریه‌ی جوتیاره‌كانی پارێزگای هه‌ولێر یازده ملیار و نۆسه‌د و حه‌وت ملیۆن دیناره، هه‌روه‌ها پشكی پاره‌ی جوتیارانی پارێزگای سلێمانی بیست و سێ ملیار و حه‌وسه‌د و په‌نجا ملیۆن دیناره، هه‌روه‌ها پشكی پاره‌ی جوتیارانی پارێزگای دهۆك ده‌ملیار و حه‌وسه‌د وشه‌ست و پێنج ملیۆن دیناره.
له‌باره‌ی وه‌رگرتنی گه‌نمی ئه‌مساڵیش به‌ڕێوه‌به‌ری گشتیی بازرگانیی رایگه‌یاند، له رۆژانی داهاتوو هه‌رێمی كوردستنان ده‌ست به وه‌رگرتنی گه‌نمی جوتیاران ده‌كات و بۆ هه‌ر ته‌نێك په‌نجا هه‌زار دینار زیاد كراوه.
به جۆریك كه تنی گه‌نمی پله یه‌ك به شه‌شه‌سه‌د و ده هه‌زار دینار، ته‌نی گه‌نمی پله دوو به پێنجسه‌د و سی هه‌زار دینار و ته‌نی گه‌نمی پله سێش به چوارسه‌د و حه‌فتا هه‌زار دینار وه‌رده‌گیرێت.
کۆمێنت (0)
تا ئێستا هیچ کۆمێنتێک نەکراوە.