دوو پەیامی سەرەخۆشی لە بارەگای بارزانییەوە

باره‌گای بارزانی له‌ دوو په‌یامدا سه‌ره‌خۆشی له‌ خانه‌واده‌ی كاكه‌مین سیدانی و خانه‌واده‌ی كامه‌رانه‌ سوور ده‌كات.

په‌یامی سه‌ره‌خۆشی باره‌گای بارزانی بۆ خانه‌واده‌ی كاكه‌مین سیدانی

به‌ناوی خودای به‌خشنده‌ و میهره‌بان

به‌ڕێزان، خانه‌واده‌ی كاكه‌مین سیدانی
به‌داخێكی زۆره‌وه‌ هه‌واڵی كۆچی دوایی پێشمه‌رگه‌ی به‌ وه‌فای شۆڕشی ئه‌یلوول و گوڵان و كه‌سایه‌تی دیار(كاكه‌مین سیدانی)مان بیست.

پرسه‌ و سه‌ره‌خۆشی ئاڕاسته‌ی خانه‌واده‌ به‌ڕێز و كوردپه‌روه‌ره‌كه‌تان و ته‌واوی خزم و دۆست و ئاشنایانی خوالێخۆشبوو ده‌كه‌ین، خۆمان به‌هاوبه‌شی خه‌متان ده‌زانین.

له‌ خودای گه‌وره‌ داواكارین دڵنه‌وایی و ئارامیی به‌ خانه‌واده‌ و كه‌سوكار و خزمانتان ببه‌خشێت و گیانی كاكه‌مین سیدانی به‌ر دلۆڤانی خۆی بخات و به‌ به‌هه‌شتی به‌رینی شاد بكات.

انا لله وانا الیە راجعون

بارەگای بارزانی
22ـى5ـى 2021

په‌یامی سه‌ره‌خۆشی باره‌گای بۆ خانه‌واده‌ی كامه‌رانه‌ سوور

به‌ناوی خودای به‌خشنده‌ و میهره‌بان

به‌ڕێزان، خانه‌واده‌ی كامه‌ران سوور
به‌دڵگرانیه‌كی زۆره‌وه‌ هه‌واڵی كۆچی دوایی (كامه‌ران عه‌لی حه‌سه‌ن) ناسراو به‌ (كامه‌رانه‌ سوور) مان پێگه‌یشت.

پرسه‌ و سه‌ره‌خۆشی ئاڕاسته‌ خانه‌واده‌ به‌ڕێز و كوردپه‌روه‌ره‌كه‌تان و ته‌واوی كه‌سوكار و خزم و دۆست و ئاشنایانی خوالێخۆشبوو ده‌كه‌ین، خۆمان به‌هاوبه‌شی خه‌متان ده‌زانین.

له‌ خودای مه‌زن داواكارین گیانی خوالێخۆشبوو به‌ر دلۆڤانی خۆی بخات و به‌ به‌هه‌شتی به‌رینی شاد بكات، دڵنه‌وایی و ئارامی به‌ خانه‌واده‌كه‌تان و كه‌سوكارتان ببه‌خشێت.

انا للە و انا الیە راجعون

باره‌گای بارزانی
22ـی5ـی2021