باره‌گای بارزانی سه‌ره‌خۆشی له‌ ده‌زگای سه‌ته‌لایتی کوردستان ده‌کات

له‌ دوو په‌یامی سه‌ره‌خۆشیدا باره‌گای بارزانی سه‌ره‌خۆشی له‌ ده‌زگای سه‌ته‌لایتی كوردستان ده‌كات به‌ بۆنه‌ی كۆچی دوایی هه‌ردوو میدیاكاری ده‌زگاكه‌ (کەنعان حوسێن) و (تەیب دەشتانی).

ده‌قی پرسه‌نامه‌كه‌ان

په‌یامی سه‌ره‌خۆشی باره‌گای بارزانی بۆ خانه‌واده‌ی ته‌یب ده‌شتانی

به‌ناوی خودای به‌خشنده‌ و میهره‌بان

به‌ڕێزان، خانه‌واده‌ی ته‌یب ده‌شتانی

به‌داخێكی زۆره‌وه‌ هه‌واڵی كۆچی دوایی دوایی رۆژنامه‌نووس و كارمه‌ندی ده‌زگای سه‌لاته‌یه‌تی كوردستان (ته‌یب ده‌شتانی)مان پێگه‌یشت.

پرسه‌ و سه‌ره‌خۆشی ئاڕاسته‌ی خانه‌واده‌ به‌ڕێزه‌كه‌تان و ته‌واوی خزم و دۆست و ئاشنایانی خوالێخۆشبوو و به‌ڕێوه‌به‌ر و ستاف و كارمه‌ندانی كوردستان تیڤی. خۆمان به‌هاوبه‌شی خه‌متان ده‌زانین.

له‌ خودای گه‌وره‌ داواكارین گیانی كاكه‌ ته‌یب ده‌شتانی به‌ر دلۆڤانی خۆی بخات و به‌ به‌هه‌شتی به‌رینی شاد بكات، دڵنه‌وایی و ئارامی به‌ خانه‌واده‌ و كه‌سوكار و هاوپیشه‌كانی ببه‌خشێت.

انا لله وانا الیە راجعون

بارەگای بارزانی

23ـى5ـى 2021

..................................

په‌یامی سه‌ره‌خۆشی باره‌گای بارزانی بۆ خانه‌واده‌ی كه‌نعان حوسێن

به‌ناوی خودای به‌خشنده‌ و میهره‌بان

به‌ڕێزان، خانه‌واده‌ی كه‌نعان حوسێن

به‌دڵگرانیه‌كی زۆره‌وه‌ هه‌واڵی كۆچی دوایی رۆژنامه‌نووس و كارمه‌ندی ده‌زگای سه‌لاته‌یه‌تی كوردستان (كه‌نعان حوسێن)مان بیست.

پرسه‌ و سه‌ره‌خۆشی ئاڕاسته‌ی خانه‌واده‌ به‌ڕێزه‌كه‌تان و ته‌واوی خزم و دۆست و به‌ڕێوه‌به‌ر و ستافی كوردستان تیڤی ده‌كه‌ین، خۆمان به‌هاوبه‌شی خه‌متان ده‌زانین.

له‌ خودای گه‌وره‌ داواكارین گیانی خوالێخۆشبوو كاكه‌ كه‌نعان به‌ر دلۆڤانی خۆی بخات و به‌به‌هه‌شتی به‌رینی شاد بكات، دڵنه‌وایی و ئارامی به‌ خانه‌واده‌ و كه‌سوكار و هاوپیشه‌كانی ببه‌خشێت.

انا لله وانا الیە راجعون

بارەگای بارزانی

23ـى5ـى 2021