وەزیری کشتوکاڵی عێراق، محەمەد کەریم خەفاجی رایگەیاند: کە لەگەڵ ھەرێمی کوردستان سەبارەت بە کۆنترۆڵکردنی خاڵە سنوورییەکان و ساڵنامەی کشتوکاڵیی، گەیشتوونه‌ته رێککەوتن.
محەمەد کەریم خەفاجی لە لێدوانێکی رۆژنامەوانییدا رایگەیاند: بەرێژەی هه‌شتا لەسەدی، خاڵە سنوورییەکان لە پارێزگای بەسرەوە تا دیالە جگە لە خاڵە سنوورییەکانی ھەرێمی کوردستان لەژێر کۆنترۆڵی حکوومەتی فیدراڵی دان و راشیگه‌یاند: لەگەڵ وەزارەتی کشتوکاڵی ھەرێمی کوردستان سەبارەت بە کۆنترۆڵکردنی خاڵە سنوورییەکان و ساڵنامەی کشتوکاڵیی، رێككه‌وتووین.
ئاماژه‌ی به‌وه‌ش كرد، ھەندێک لە بەرووموومە کشتوکاڵییەکان بەھۆی زیادبوون لە بەرھەمھێنانیان، ھەناردەی دەرەوە کراون و گوتیشی، مۆڵەت بە ھەناردەکرنی تەماتە، پەتاتە و بەرووبوومی دیکە دەدرێت.
کۆمێنت (0)
تا ئێستا هیچ کۆمێنتێک نەکراوە.