سه‌رۆكوه‌زیرانی یۆنان كریاكۆس میچۆتاكیس له میانی كۆبوونه‌وه‌یه‌كدا له‌گه‌ڵ سه‌رۆكی كۆنسه‌ی یه‌كێتی ئه‌ورووپا باسی له‌وه كردووه كه یۆنان له هه‌نگاو و چالاكییه‌كانی توركیا له رۆژهه‌ڵاتی به‌حری سپی نیگه‌ران و تووڕه‌یه.
میچۆتاكیس ئاماژه‌ی به‌وه داوه كه توركیا به هه‌نگاو چالاكییه‌كانی خۆی بۆ گه‌ڕان به‌دوای سه‌رچاوه‌كانی وزه له رۆژهه‌ڵاتی به‌حری سپیدا دۆخی ناوچه‌كه‌ی ئاڵۆز كردووه و بووه‌ته هه‌ڕه‌شه‌یه‌كی گه‌وره بۆ سه‌ر ئاسایش و سه‌روه‌ری وڵاتانی ناوچه‌كه بۆیه پێویسته یه‌كێتی ئه‌ورووپا، ئه‌مریكا، كۆمه‌ڵگه‌ی جیهانی و وڵاتانی ناوچه‌كه هه‌ڵوێستێكی توند به‌رامبه‌ر به توركیا نیشان بده‌ن.
سه‌رۆكوه‌زیرانی یۆنان له به‌شێكی دیكه‌ی قسه‌كانیدا باسی په‌یوه‌ندییه‌كانی نێوان یونان و توركیای كردووه و گوتوویه‌تی یونان ده‌یه‌وێت په‌یوه‌ندییه‌كانی له‌گه‌ڵ توركیا ئاسایی بكاته‌وه به‌ڵام پێش هه‌موو شتێك پێویسته توركیا ده‌ستبه‌رداری سیاسه‌ته ئاژاوه‌گێڕانه‌كانی خۆی له ناوچه‌كه‌دا بهێنێت و رێز له سه‌روه‌ری وڵاتانی ناوچه‌كه بگرێت.
ئه‌رده‌لان گۆران
کۆمێنت (0)
تا ئێستا هیچ کۆمێنتێک نەکراوە.