بەڕێوەبەری ناحیەی سیدەكان رایگه‌یاند: بە ھۆی بوونی پەكەكە لە ناوچەی سیدەكان، 118 گوند چۆڵ كراون و مەترسی لەسەر گوندەكانی دیكەش ھەیە، چونكە ناوچە سەرەكییەكان بۆمبڕێژ دەكەن.
ئیحسان چەلەبی بەڕێوەبەری ناحیەی سیدەكان رایگه‌یاند: بە ھۆی بوونی پەكەكە و خراپیی دۆخی ئەمنی، گوندەكانی سنووری سیدەكان چۆڵ كراون ناتواندرێت ئاوەدان بكرێنەوە و خزمەتگوزارییان بۆ ببرێت، چونكە دۆخی ئەو گوندانە زۆر خراپە لەبەر ئەوەی لە كۆی 264 گوند، 118 گوند چۆڵ كراون و مەترسی لەسەر گوندەكانی دیكەش ھەیە.
چەلەبی گوتیشی، پەكەكە ئێستا دەستیان بە دانانی بۆمب لەسەر رێگا سەرەكییەكان كردووە و لە گوندی داسنیاش، كە زۆر نزیكە لە ئاوەدانی و لە گەروزین و بەربزینیش، بۆمبی چاندووە، بۆیە زۆر ناوچەیان بۆمبڕێژ كردووە.
ناوبراو باسی لەوەش كرد، ئەمساڵ كۆچه‌رییەكان نزیكەی ھەزار كەس ناویان تۆمار كردووە و فۆڕمیان پڕكردووەتەوە و بەڵێننامەیان پێ پڕكراوەتەوە بۆ چوونە كوێستانەكان، بەڵام ساڵانە كە ئەوانیش دەگەڕێنەوە، پەكەكە سەرانەیان لێ دەستێنن.
کۆمێنت (0)
تا ئێستا هیچ کۆمێنتێک نەکراوە.