ئه‌مڕۆ هاووڵاتیانى ئێرانى به‌ره‌و سندووقه‌كانى ده‌نگدان ده‌چن، بۆ هه‌ڵبژاردنی سه‌رۆك كۆمارێكى نوێ بۆ وڵاته‌كه‌یان.
ئاماژه‌كان ده‌ریده‌خه‌ن، ئیبراهیم ره‌ئیسى، كاندیدی پارێزگاره‌كان و سه‌رۆكى پێشووى ئه‌نجوومه‌نى دادوه‌رى، ئه‌گه‌رى ده‌رچوونى زۆر به‌هێزه.
ژماره‌یه‌ك له ره‌وتى ئۆپۆزسیۆن و چاكسازه‌كانیش، داوا ده‌كه‌ن خه‌ڵك به‌شدارى هه‌ڵبژارن نه‌كات، چونكه ئه‌و كاندیدانه‌ی له‌به‌رامبه‌ر ره‌ئیسیدا ماون، لاوازن و كێبڕكێى جددى تێدا نابینرێت.
پێشبینی دەکرێت لە سیزدەمین هەڵبژاردنی سەرۆك کۆماری ئێران، کەمترین رێژەی بەشداریی خەڵك لە مێژووی کۆماری ئیسلامیی ئێراندا تۆمار بکرێت، كاندیده‌كانی ئەم هەڵبژاردنە هەوڵیان داوە بە هەڵگرتنی دروشمی جۆراوجۆر، هەرکامیان بە شێوەیەک خەڵکی ئەم وڵاتە بۆ سەر سەندووقەکانی دەنگدان رابکێشن.
بۆچوونه‌كان ئاماژه بۆ ئه‌وه ده‌كه‌ن، ئه‌مڕۆش ئیبراهیم ره‌ئیسى سه‌ركه‌وتنێكى به‌رچاو به‌ده‌ست ده‌هێنێت، ئه‌نجوومه‌نى پاراستنی ده‌ستوور چه‌ند كه‌سایه‌تییه‌كى زۆر به‌هێزى له‌و هه‌ڵبژاردنه دوور خسته‌وه، له‌وانه، عه‌لى لاریجانى، كه ماوه‌یه‌كى زۆر سه‌رۆكى په‌رله‌مانى ئه‌و وڵاته بوو، هه‌روه‌ها ئیسحاق جیهانگیری و مه‌حموود ئه‌حمه‌دى نه‌ژادیش، دوو كاندیدى هه‌ره به‌هێز بوون.
له‌كۆى 80 ملیۆن دانیشتوانى ئێران، 59 ملیۆن كه‌س ده‌توانن ئه‌مڕۆ به‌شدارى هه‌ڵبژاردنى سه‌رۆك كۆمار بكه‌ن.
کۆمێنت (0)
تا ئێستا هیچ کۆمێنتێک نەکراوە.