بەپێی دوایین زانیارییەکانی دەزگای لوتکە بۆ كارو باری كۆچ و په‌نابه‌ران، له‌رۆژانی رابردوو، پیاوێکی ئێرانی بە تۆمەتی شاردنەوەی 12 کۆچبەری عێراقی لە نێو قەنەفە و کەلوپەلی ناوماڵدا دەستگیرکرا. پاش ساغ بوونەوەی تاوانەکە بەسەریدا بڕیاردرا کە سزای 3 ساڵی بەسەردا بسەپێنرێت.
قاچاخچییە ئێرانییەکە بە ناوی "ئارمان یوسف ڕەحمانی" تەمەن 21ساڵ بەنیاز بووە لە فەرەنسا و بەلجیکاوە کۆچبەرەکان بپەڕێنێتەوە بەریتانیا.
شایەنی باسە، لە کاتی گەیشتنیاندا بۆ سنوری بەریتانیا ئەفسەرانی هێزی سەرسنوری بەریتانیا لۆرییەکانیان پشکنی و 12 کۆچبەری عێراقی خوار ته‌مه‌ن 18 ساڵیان دۆزییەوە.
کریس فیڵیپ وەزیری یاسا و بڕیاردانی کۆچی بەریتانیا ڕایگەیاند: وەک پەنابەرێک ڕەحمانی بێڕێزی بە یاسای بەریتانیا کردووە لە کاتێکدا بەریتانیا ئارامی و پاراستنی بە ڕەحمانی بەخشیوە.
هەر بەپێی زانیارییەکان، وەک سزایەک بۆ کردارەکەی پاش تەواو بوونی سزاکەی دیپۆرتی وڵاتەکەی دەکرێتەوە.
دارشتنه‌وه‌ی هه‌واڵ - شوان عه‌زیز
کۆمێنت (0)
تا ئێستا هیچ کۆمێنتێک نەکراوە.