به‌ره‌به‌یانی رۆژی 22-6-2020، هونه‌رمه‌ند عه‌تا چاوشین به‌هۆی توشبوونی به ڤایرۆسی كۆرۆنا و دوای چه‌ند رۆژ وه‌رگرتنی چاره‌سه‌ر دواجار له نه‌خۆشخانه كۆچی دوایی كرد.
هونه‌رمه‌ند عه‌تا چاوشین له‌دایكبووی شاری سلێمانییه، ماوه‌یه‌ك له رۆژهه‌ڵاتی كوردستان ژیاوه و ماڵی له سه‌قز بووه، له ساڵانی 80ی سه‌ده‌ی رابردوودا ده‌ستی به كاری هونه‌ری كردووه، زیاتر له 35 ساڵه به‌رده‌وامه و چه‌ندین به‌رهه‌می گۆرانیی هه‌یه، یه‌كه‌م گۆرانی كه پێی ناسرا گۆرانیی "هۆ غه‌ریب مه‌ڕۆ" بوو، جگه له به‌سته و مه‌قام، به‌ندبێژێكی باشیش بوو و له‌گه‌ڵ گۆرانیبێژ و به‌ندبێژ (میدیا حسێن) هاوڕێیه‌تییه‌كی نزیكیان هه‌یه. له‌گه‌ڵ ژه‌نیاری شمشاڵ (قاله مه‌ڕه)، دانیشتنیان هه‌یه و بۆ یادگاری تۆماریان كردووه.
هه‌رچه‌نده به‌هۆی ڤایرۆسی كۆرۆناوه هیچ رێوڕه‌سم و مه‌راسیمێكی بۆ ئه‌نجامنه‌درا، به‌ڵام سه‌عات 4ی پاشنیوه‌ڕۆی ئه‌مڕۆ كۆمه‌ڵه‌ی هونه‌ری میللی كوردستان و گه‌ڕیان میدیا له ناو باخچه‌ی عه‌تا چاوشین له به‌رده‌م په‌یكه‌ره‌كه‌ی مه‌راسیمێك بۆ دووپاتكردنه‌وه‌ی رێز و وه‌فا رێكده‌خه‌ن.
ئا- كامران
کۆمێنت (0)
تا ئێستا هیچ کۆمێنتێک نەکراوە.