دوو پەیامی سەرەخۆشی لە بارەگای بارزانییەوە

په‌یامی سه‌ره‌خۆشی باره‌گای بارزانی بۆ خانه‌واده‌ی عه‌بدولڕه‌حمان شێمت شینو هه‌ركی
به‌ناوی خودای به‌خشنده‌ و میهره‌بان
به‌ڕێزان له‌ خانه‌واده‌ی عه‌بدولڕه‌حمان شێمت شینۆ هه‌ركی
به‌داخێكی زۆره‌وه‌ هه‌واڵی كۆچی دوایی پێشمه‌رگه‌ی به‌وه‌فا و دڵسۆز و كوردپه‌روه‌ر(عه‌بدولڕه‌حمان شێمت شینۆ هه‌ركی)مان بیست.
به‌م بۆنه‌ خه‌مناكه‌وه‌، پرسه‌ و سه‌ره‌خۆشی ئاڕاسته‌ی خانه‌واده‌ به‌ڕێز و نیشتیمانپه‌روه‌ره‌كه‌تان و ته‌واوی كه‌سوكار و خزمانتان و ئاشنایانی خوالێخۆشبوو ده‌كه‌ین، خۆمان به‌هاوبه‌شی خه‌متان ده‌زانین.
له‌ خودای مه‌زن داواكارین گیانی خوالێخۆشبوو كاك عه‌بدولڕه‌حمان به‌ر دلۆڤانی خۆی بخات و به‌ به‌هه‌شتی به‌رینی شاد بكات و دڵنه‌وایی و ئارامی به‌ خانه‌واده‌ و كه‌سوكارتان ببه‌خشێت.
انا لله وانا الیە راجعون
بارەگای بارزانی
6ـى7ـى2021
........…………………………
په‌یامی سه‌ره‌خۆشی باره‌گای بارزانی بۆ به‌ڕێز سمكۆ هه‌ركی
به‌ناوی خودای به‌خشنده‌ و میهره‌بان
به‌ڕێز، كاك سمكۆ هه‌ركی
به‌دڵگرانیه‌وه‌ هه‌واڵی كۆچی دوایی خاتوو(به‌سیل له‌تیف) دایكی به‌ڕێزتانمان بیست.
پرسه‌ و سه‌ره‌خۆشی ئاڕاسته‌ی به‌رێزتان و خانه‌واده‌ و كه‌سوكار و خزمانتان ده‌كه‌ین، خۆمان به‌هاوبه‌شی خه‌متان ده‌زانین.
له‌ خودای گه‌وره‌ داواكارین دڵنه‌وایی و ئارامی به‌ به‌رێزتان و كه‌سوكارتان ببه‌خشێت و گیانی دایكی خوالێخۆشبووتان به‌ر ره‌حمه‌تی خۆی بخات و به‌ به‌هه‌شتی به‌رینی شاد بكات.
انا لله وانا الیە راجعون
بارەگای بارزانی
6ـى7ـى2021