16 خولی كۆبوونه‌وه‌كانی لووتكه‌ی ئاستانا كه تایبه‌ته به گفتوگۆ كردن له‌سه‌ر دۆخی سووریا، ئه‌مڕۆ چوارشه‌ممه له پایته‌ختی قرقیزستان، نوور سولتان ده‌ستی پێكرد.
له‌و كۆبوونه‌وه‌یه‌دا بێجگه له ئاماده بوونی نوێنه‌رانی رووسیا، ئێران و گرووپه چه‌كدارییه‌كانی سووریا، هاوكات نوێنه‌رانی توركیا و سووریایش ئاماده‌ن.
ئه‌مه یه‌كه‌مجاره كه له ماوه‌ی شه‌ڕی ناوخۆیی سووریادا حكوومه‌تی توركیا و رژیمی به‌شار ئه‌سه‌د راسته‌وخۆ له‌سه‌ر یه‌ك مێزی دانووستان كۆ ده‌بنه‌وه و گفتوگۆ له‌سه‌ر دۆخی سووریا ده‌كه‌ن.
بڕیاره كۆبوونه‌وه‌كه 2 رۆژ به‌رده‌وام بكات و گفتوگۆ گرنگه‌كان سبه‌ینێ ئه‌نجام ده‌درێن. شاره‌زایان باس له‌وه ده‌كه‌ن كه رازیبوونی توركیا به دانیشتن له‌سه‌ر مێز له‌گه‌ڵ رژیمی سووریا نیشانه‌ی گۆڕانی سیاسه‌تی توركیایه به‌رامبه‌ر به رژیمی سووریا و توركیا چی دیكه وه‌كو رابردوو داوای له‌كار لادانی ئه‌سه‌د ناكات به‌ڵكو ملكه‌چی سیاسه‌ته‌كانی ئێران و رووسیا بۆمانه‌وه‌ی به‌شار ئه‌سه‌د له‌سه‌ر ده‌سه‌ڵات بووه.
جێگای ئاماژه پێكردنه كه لووتكه‌ی ئاستانا به ده‌ستپێشخه‌ری ئێران و رووسیا بۆ دۆزینه‌وه‌ی چاره‌سه‌ر بۆ قه‌یرانی سووریا ده‌ستی پێكردووه و سه‌ره‌ڕای تێپه‌ڕ بوونی چه‌ندین ساڵ له به‌رده‌وامی گفتوگۆیه‌كان به‌ڵام تا ئێستا هیچ جۆره ئه‌نجامێكی ئه‌وه‌تی لێ نه‌كه‌وتووته‌وه.
ئه‌رده‌لان گۆران
کۆمێنت (0)
تا ئێستا هیچ کۆمێنتێک نەکراوە.